Ro 1:29 - Chuj San Sebastian Bible

²⁹ C'aync eb' yet' jantcn̈ej tu nab'enal, [yet' 'ajmulal]. An̈j maysch'olnil 'aj 'aych snab'en eb'. Tznib'j 'och eb' ricoal. Caw tu eb'. Tznib'n 'och eb' tas 'ay 'a junc xo mach. Ma'm cham 'anma eb'. 'A'm owl eb'. 'Ixtm 'anma eb'. Caw palta sb'eyb'al eb'. Alm peclal pax eb'.

Chuj San Mateo Bible

²⁹ C'ajan eb' yed' juntzan̈ chucal yed' ajmulal. An̈ej chucal sgana eb'. Snib'ej val och sb'a eb' b'eyumal. Te chuc eb'. Syiloch sc'ool eb' d'a tastac ay d'a junocxo anima, mac'umcham anima eb'. Ac'um oval eb', ixtum anima eb'. An̈ej d'a chucal ayoch spensar eb', an̈ej aloj pecal sc'anji eb'.

Ro 1:29 Referans Kwoze

2 Co 12:20

Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.

Pr 16:28

A junc mach tu snab'en, saym owl 'a scal 'anma', ax junc alm peclal, tzchac sb'a eb' swach'c'ojl sb'a yu'uj.

Pr 26:20

Toto may te c'atzitz, tztupl te c'ac', 'ixta pax 'a yic may alj peclal, may owal.

Salmos 41:7

A eb' matz in nib'ni tzyam sb'a eb' smasnil, tzlaj yalnc eb' wuj 'ixtic:

Ro 3:10

A 'a Ch'an̈ U'un̈ ata tzyal 'ixtic: May xon junc mach tzb'on tas wach', may xon wal junoc.

Mt 5:32

Palta an tzwal 'ayex, toto 'ay mach tzpoj sb'a yet' yistzil, palta man̈ 'ajmuloc yistl cha, toto 'ixta', tzya't win 'ix 'a 'ajmulal. An̈jtona', tzann̈j mach tzyij sb'a yet' junc 'ix tzpoj sb'a yet' yichmil cha, tz'och pax win 'ajmulal yet' 'ix.

1 Ti 3:11

'Ixta pax eb' 'ix 'ix tz'och yopiso, yowlal caw wach' tzyutj eb' sb'eyb'al 'a sat eb' yit 'anma'il. Matz tac' yalw peclal eb'. Yowlal caw te'n tzyutj eb' snab'en. An̈jtona', caw yiclum tzyutj sb'a eb' sb'on smasnil tas.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.