Ro 1:17 - Chuj San Sebastian Bible

¹⁷ A jun wach' 'ab'x tic, a tz'a'n nachjc 'el cujec, to tzon̈ yalc Dios wach'il, yujn̈ej to tzca'c 'och qui c'ojl 'a 'a. May junc xo tas tzqui b'o'ec cojn to tzqui wach' 'a'jec 'och 'a qui c'ojol. Yujto 'ixtc yaln 'a Ch'an̈ U'un̈: A eb' tz'a'n 'och Dios 'a sc'ojol, wach' eb' 'a sat. Yuj wal cha, 'ay sq'uinl eb' 'a jun 'ejmn̈ej, xchi Dios 'a Ch'an̈.

Chuj San Mateo Bible

¹⁷ A jun vach' ab'ix yic co colnab'il tic, a tz'ac'an nachajel cuuj tas tz'aj coch vach'il d'a yichan̈ Dios, an̈ej to scac'och d'a co c'ool. Yuj chi' co vach' aq'uejecoch d'a co c'ool, icha syal d'a Slolonel Dios Tz'ib'ab'ilcani: A eb' tz'ac'anoch Dios d'a sc'ool, vach' eb' d'a yichan̈. Yuj chi' ay sq'uinal eb' d'a juneln̈ej, xchi.

Ro 1:17 Referans Kwoze

Habacuc 2:4

Tz'ib'j can paxi, chajtlto a eb' maysch'olnil sb'eyb'al, caw wal tzb'an̈ sb'a eb', palta ax eb' tojl snab'en, pitznn̈ej eb', yujto tzin ya'ch eb' 'a sc'ojol, xchi Dios.

Gl 3:11

Palta chequel to may junc mach wach' 'a sat Dios, yujn̈ej to tzyiclj jun ley cha. Yujto tzyal pax 'ixtc 'a Ch'an̈ U'un̈: Palta ax eb' tojl snab'en, pitznn̈ej eb' yujto tzin ya'ch eb' 'a sc'ojol, xchi Dios, xchi.

A Ch'an̈ Carta D'a Eb' Hebreo 10:38

Ax eb' tojl snab'en 'a in sat, pitzn eb', yujto tzin ya'ch eb' 'a sc'ojol. Palta toto tzmeltzj eb' 'a spatic, man̈x 'oj in tzalj yet' eb', xchi Dios 'a Ch'an̈.

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

Ro 9:30

Al ticnec 'oj walb't 'ayex, tas tzyal 'el'ch jun tzo'n̈ tzwal tic: A eb' man̈ israeloc, matz na eb' tas tzyutj eb' yoch wach'l 'a sat Dios. Palta 'ay eb' tzyal Dios to wach' 'a sat. 'Ixta tzyal Dios yuj eb', yujto tzya'ch eb' sc'ojl 'a 'a.

Ro 3:21

A ticnec, 'ix checlj 'eli, chajtl tzon̈ 'ajc coch wach'l 'a sat Dios. Man̈ yujoc qui yiclniec ley yic Moisés 'ixta tzon̈ 'ajec. Palta a Ch'an̈ Un̈ 'aj tz'ib'b'il can ley cha, ata tzyala, tas tzon̈ 'ajc coch wach'il. Ata alb'il can yuj eb' schecb' Dios pecti'.

Ro 3:3

'Ay ton eb' man̈ ya'jnacc 'och sc'ojl 'a 'a, palta man̈ yujoc cha, matz 'el'ch 'icha yaj yaln can Dios.

Jn 3:36

A eb' tzya'ch sc'ojl 'a Yunnal Dios, 'ay sq'uinl eb' 'a jun 'ejmn̈ej. Palta a eb' matz ya'ch sc'ojl 'a 'a, ma'oj scha eb' sq'uinl 'a jun 'ejmn̈ej. 'Ay cot yowl sc'ojl Dios 'a yib'n̈ eb'.

Ez 18:9

Tzb'eylb'ej in checnb'il, yiclum tzyutj sb'a 'a tas tzwala. Yuj stojlal snab'en cha, najtl 'oj yila'. An Jehová Yajl in, an tzwala.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

2 Co 3:9

A jun ley cha, wach'xam tzya'ch chaml 'a yib'n̈ eb' 'anma', niwn yel'chi yic sjawi. Ocxom wal jun 'ab'x tzalni, to wach'n̈ec 'a sat Dios.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Nm 21:9

Ax Moisés 'ix sb'o jun yechl chan nab'a bronce cha, 'ix slocn q'ue 'a sjolm jun te 'oy. Yuj cha, a yic tzchix eb' 'anma yuj no chan, tz'och q'ueln eb' 'a jun yechl chan nab'a bronce cha. Yuj cha, tzb'ox sc'ojl eb'.