Ro 1:16 - Chuj San Sebastian Bible

¹⁶ An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

Chuj San Mateo Bible

¹⁶ A in tic, max in q'uixvilaj valanel jun vach' ab'ix yic co colnab'il tic, yujto spoder Dios yaji, yic vach' scolchajel jantacn̈ej eb' syac'och d'a sc'ool, eb' israel d'a sb'ab'elal slajvi chi' eb' man̈ israeloc.

Ro 1:16 Referans Kwoze

Mr 8:38

A wal eb' 'anma 'a jun tiempoal tic, man̈oc 'a Dios tzya'ch eb' snab'en, caw maysch'olnil eb'. A eb' tzq'uixw wuj 'a sat eb' yit 'anma'il, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb' yic 'oj in jaw yet' spoder in Mam, yet' eb' ángel yic xo yaji, xchi.

2 Ti 1:8

Yuj cha, man̈ ach q'uixwc aln 'el yab'xil Cajlil. An̈jtona', man̈ ach q'uixwc pax wu'uj, yujto preso waj yuj waln 'el yab'xil. Man̈ ach xiw ab'n pax syal yuj jun wach' 'ab'x yic colnb'il, yujto a Dios wan ya'n spoder 'aych wet'oc.

A Sb'ab'el Carta San Pedro 4:16

Palta toto 'ayn̈ec, yujn̈ej to yic on̈c Cristo tzcab'nec syail, man̈ on̈ q'uixwoc. Calc wach' paxti 'a Dios, yujto yic on̈c xo Cristo.

2 Ti 1:12

Yujn̈ej wal cha, tzwab'n syal jun tzo'n̈ tas tzlaj jaw 'a wib'n̈ tic. Palta matz in q'uixwi, yujto caw wojtac, mach 'aych yipc in c'ojol. Wojtac a tas tzwac' 'ab'enal 'a Dios, a 'ay spoder smolb'tzani, masnto 'oj jawc sc'ul sjaw Cristo.

Lc 9:26

Toto 'ay mach tzq'uixw wu'uj, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb', yic 'oj in jawi ax woch reyal. 'Oj in jaw yet' spoder in Mam, yet' pax eb' yángel yic yaji.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

1 Co 2:4

In nib'ej, ma'ex in montej. Yuj cha, a yic in paxtin eyet'oc, man̈ jelnoc wutjnac in b'a yic waln 'el 'ayex. A Yespíritu Dios, a montjnacx yet' spoder.

1 Co 2:2

Yujto a yic wec' 'ayx ta', may junc xo tas tzin nib'j tzwojquej 'eli. Cojn yab'xil Jesucristo 'ec' waljnac 'el 'ayex, chajtlto chamnc 'a spenc culus.

Ro 10:17

An̈ec tic, 'ix cab' jun wach' 'ab'x 'ix alx 'ayn̈ec. Yuj cha, tzca'c 'och 'a qui c'ojol. A jun 'ab'x 'ix cab'c tic, atn yab'xil Cristo.

A Ch'an̈ Carta D'a Eb' Hebreo 4:12

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.

1 Co 15:2

Toto an̈ja 'aych e nab'en 'a jun 'ab'x waljnac 'ayx tic, toto yel eya'jnac 'och e c'ojl 'a 'a, to 'ixta', 'ay e colnb'il yu'uj.

Jeremías 23:29

An Jehová in, an tzwala to a in paxti', lajn yet' c'ac', lajn pax yet' q'uen almáguina to tzpoj q'uen niwc q'uen yu'uj.

Gl 1:7

Palta may junc xo 'ab'x yic colnb'il yel. 'Ay eb' tznib'j ton tzjeln 'el yab'xil Cristo, palta ton̈j tzwach' somchj 'el e nab'en yuj eb'.

Ro 2:9

Jantcn̈ej eb' tzb'on maysch'olnil, caw 'oj yab' eb' syal si'mb'il. Caw cusc'ojlal yic eb'. Yel xo wal 'oj 'ajxc 'och 'a yib'n̈ eb' wit israelal. 'Oj 'ajxc pax 'och 'a yib'n̈ eb' man̈ israeloc.

A Tas Sc'ulejnac Eb' Schecab' Jesús Hechos 3:26

A yic xya'n Dios pitzwc pax Yunnal, a 'ayn̈ec 'ix sb'ab'l checj coti, sec tzon̈ colchjec, tzcactnec can qui maysch'olnil junjn on̈ec, xchi Pedro 'a eb' yit israelal cha.

Salmos 119:46

'Oj wal jun tzo'n̈ tas tzal tic 'a yojltac eb' rey, ma'oj in q'uixw walni.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

Is 53:1

¿Toc 'ay mach xchan 'ab'nc tas 'ix calc 'eli? ¿Tom 'ay mach x'ojcan 'el spoder Jehová ch'oxb'il yu'uj?

1 Ti 1:11

A jun cuynb'il caw yel tic, atn jun wach' 'ab'x ya'jnac Dios 'ayin, yic tzwaln 'eli. A jun wach' 'ab'x tic, caw niwn yel'chi. A tzaln yab'xil Dios, atn jun caw tzaljc'ojlaln̈ej yaji.

2 Co 9:13

'Oj yal eb' wach' paxti 'a Dios, yujto a jun eyofrenda chi 'oj ch'oxnoc, to wan eyiclni tas tzyal wach' 'ab'x yic Cristo. An̈jtona', 'oj yal pax eb' wach' paxti 'a 'a, yuj jun niwn colwal chi 'oj eyac' 'a eb'. Yujto a jun cha, 'oj colwjoc 'a eb' quit creyenteal smasnil.

2 Co 2:12

A yic in c'och 'a chon̈b' Troas, waln 'el yab'xil Cristo, caw coln in munlj 'a yic Cajlil ta'.

1 Co 9:18

Yuj cha, a spac wan in chan ticnec, atn tzaljc'ojlal wan in chani yic tz'ec' walnc wach' 'ab'x 'a nab'an̈ej. Yujto wach'xam 'ay waln wic in c'ann in gasto 'a spatc wopiso tic, palta toxn may tas tzin c'ana.

1 Co 9:12

'Ay jun tzo'n̈ xo eb' 'ay yaln yic schan yic 'ayex. Yuj cha, an̈ tic on̈, yel xo wal 'ec'b'al 'ay caln quic 'ayx on̈. Palta wach'xam 'ay caln quic 'ayx on̈, mant 'a jun 'ejmoc qui c'anjnac qui gasto 'ayx on̈. Caw tzcac' techjoc smasnil tas on̈, sec wach' niwn yel'ch yab'xil Cristo 'a 'ajtc tz'ec' cal-l on̈.

Ro 15:29

Wojtac, a yic 'oj in c'och eyet' ta', til wal swach'c'ojlal Cristo 'oj sch'ox 'ayx wet'oc.

Ro 15:19

'Ay pax jun tzo'n̈ milagro ch'oxb'il wuj 'a eb', yet' jun tzo'n̈ xo tas tzch'oxn 'el spoder Dios. Ax Yespíritu Dios 'ix yac' spoder 'ayin. 'Ixta xwutj 'ec' walnc 'el wach' 'ab'x yic Cristo 'a junjn chon̈ab'. A 'a Jerusalén, ata in b'ab'l yamj 'och waln 'eli. C'uxn x'ec' wal-l 'a junjn chon̈ab', masnto in c'och 'a chon̈b' Ilírico.

2 Ti 1:16

Palta caw tzin nib'j tz'o'ch sc'ojl Cajlil 'a eb' 'ay 'a yol yatut Onesíforo, yujto niwn 'ejm xwul yac' sniwnal in c'ojol. Wach'xam preso waji, palta ma'ix q'uixw sjaw 'ayin.

Ro 4:11

Palta c'ojnc'ojnilt chab'il jun circuncisión chi yuj winac. A jun cha, ch'oxnb'il yaji, chajtlto wach' win 'a sat Dios, yujn̈ej to ya'jnac 'och win sc'ojl 'a Dios, yic mantzac 'ajx 'och jun senya chi 'a winac. Yuj cha, a win mamb'il yaj 'a jantcn̈ej eb' man̈ 'ac'b'ilc circuncidar, toto tzya'ch eb' sc'ojl 'a Dios. Mamb'il yaj 'a eb' yujto wach' pax eb' 'a sat yet' winac.

Salmos 110:2

A Jehová 'oj yac' a c'occh yic opiso 'a lum Sión, ach xo 'oj ac' yajlil 'a yib'n̈ eb' 'ajc'ojl yajch 'ayach.

Jn 7:35

Ax eb' israel cha, 'ix laj yal-lanc eb' 'ixtic: —¿'Aj laj 'oj c'och snani, yuj cha, tzyalni to ma'oj chax cujec? Al cha, 'ay eb' quit chon̈b'ec 'ayb't 'a scal eb' griego. ¿Tom tznib'j ata 'oj c'och 'a scal eb', tz'at scuync eb' griego chi snani?