Biblia Todo Logo
Bib sou entènèt

- Piblisite -




Ro 1:14 - Chuj San Sebastian Bible

14 Yujto smasnil 'anma', in cuentan̈ej yaj eb', wach'xam griego, mto ma'ay. In cuentan̈ej yaj eb' jelan, yet' pax eb' man̈ jelnoc.

Gade chapit la Kopi

Chuj San Mateo Bible

14 Yujto vib'an̈ yaj valan d'a masanil anima, vach'chom griego, mato maay, vach'chom eb' jelan yed' eb' man̈ jelanoc.

Gade chapit la Kopi




Ro 1:14
31 Referans Kwoze  

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.


Palta xyaln pax Cajlil chi 'ixtic: —'Ixic, yujto a Saulo cha, sic'b'il 'el wu'uj, sec wach' 'oj yal-l wab'xil 'a scal eb' man̈ israeloc, yet' 'a sat eb' rey, yet' pax 'a scal eb' yit israelal.


Palta xyaln pax Cajlilec 'ayn 'ixtic: 'Ixic, yujto tzach in checb't 'a scal eb' man̈ israeloc 'a najat, xchi 'ayin, xchi Pablo 'a eb'.


Junc'ojlal tzlaj cutquec qui b'a qui masnil. Matz tac' qui b'an̈nec qui b'a. Jun tzon̈ 'e'c cab' yet' eb' may yel'ch 'a sat eb' 'anma'. Matz tac' qui nanec, to caw jeln on̈ec.


Ax tic, caw jeln ex. Palta 'in caw tzeyac' techjoc 'a eb' man̈ nab'enal tzyutj sb'a 'ayex, 'in tzex tzalj yet' eb'.


Palta ax xo, smasnil 'anma 'ojtnac, chajtlto yiclum ex 'a Dios. Yuj cha, caw 'ay in tzalc'ojlal eyu'uj. Tzin nib'ej caw jeln tzeyutj e b'on jun tzo'n̈ tas wach', ax jun tzo'n̈ maysch'olnil, man̈ e comn b'o'oc.


Toto 'ayn̈ec 'ay 'aj 'ay qui b'oc, yowlal caw tzlaj caq'uec. Palta 'ay junx 'icha qui b'oc 'a eb' quit 'anma'il, atn qui chamc'ojlal, yujto yowlal tzlaj qui chamc'ojloquec qui b'a. Toto 'ixta tzlaj cutquec qui b'a, tzyal 'el'chi, wan qui yiclni smasnil sley Dios.


Yuj wal cha, ex wu'tac, ex wanab', qui cuentaec qui b'eylb'an 'icha tznib'j Yespíritu Dios. Man̈x qui b'eylb'oquec 'icha tznib'j qui tu nab'enalec.


Wach'xam tzyalch sb'a eb' 'anma jelnal, palta caw man̈ nab'enal yaj eb'.


Ata 'oj 'ec' jun b'e, a jun b'e cha 'oj scuch Sb'e Eb' Yicxo Dios. A eb' man̈toc 'ic'b'il 'el smul 'a 'a, ma'oj stac' yec' eb' 'a jun b'e cha. A eb' maysch'olnil snab'en, ma'oj stac' sb'ey pax eb' ta'.


Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.


'Ay jun tzo'n̈ xo eb' sic'b'ilx xon 'el yuj Dios. Tzin nib'j 'oj scha eb' swach'l quet'oc. Yuj wal cha, tzwa'n techjoc jantcn̈ej syal tzjaw 'a wib'an̈, sec 'oj scha pax eb' scolnb'il caw niwn yel'chi. Atn jun tz'ajx 'ayn̈ 'a jun 'ejmn̈ej, yujto junxn̈ej caj yet' Cristo Jesús.


An̈ tic on̈, matz qui te'wtzej qui b'a qui nan on̈, to lajn on̈ 'icha jun tzo'n̈ xo eb' mun tzyal wach'l sb'a. Matz qui lajb'tzej qui b'a yet' eb' on̈. A eb' cha, man̈ nab'enal yaj eb', yujto junjn eb', mun a snab'en eb' tzcob' sc'anlb'oc yic tzb'eyc'ojlan sb'a eb'. An̈jtona', tzcob' slajb'tzanc eb' snab'en yet' jun tzo'n̈ xo eb'.


Q'uinloc 'ay junc ex ticnec, tzeyal wach' paxti 'a Dios 'a junc chuc ti'al. Toto 'ixta', an̈j yet' e pixn tzeyala. Ax eb' 'ayc' eyet'oc, matz nachj 'el yuj eb' tas chi tzeyala. Yuj cha, a yic tzeyaln yuj diosal 'a Dios, matz tac' jun tzleslwi eb' eyet'oc.


Q'uinloc 'ay junc mach tzpaxtini, palta matz cab'c tas tzyala. Toto 'ixta', 'icha to chuc chon̈b'al cajc 'a 'a. An̈jtona', 'icha to chuc chon̈b'al pax yaj 'ayn̈ec.


Caw man̈ e cha 'ixtxoc paxti e b'a. Toto 'ayx tze na'a, to jeln ex 'a yic yolyib'n̈q'uinl tic, yowlal tzeyij 'ejm e b'a 'a 'emmquilal, 'icha to may xon tas eyojtac, sec a Dios 'oj 'a'nc e jelnal cha.


A jun tzo'n̈ paxti tzcal tic on̈, man̈ yujoc qui jelnal on̈ tznachj 'el cuj on̈. Palta a Yespíritu Dios tz'a'n nachjc 'el jun tzo'n̈ tic cuj on̈. A jun tzo'n̈ cuynb'il tic, yic Yespíritu Dios. Yuj cha, atn eb' 'aych Yespíritu tic 'a 'a, atn eb' 'aj tztac' qui cuywj pax on̈.


Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.


'Ix yiln eb' 'aj lugar cha, to xcan t'un̈n no 'a sc'ab'. Yuj cha, xyaln eb' 'ixtic: A win tic, tecn to ma'm cham 'anma winac. Wach'xam xyac' ganar scolchj 'el 'a a mar, palta yowlal 'oj scha spac jun smul cha, 'oj chamoc, xchi eb'.


Ax eb' 'aj lugar cha, caw wach' xyutj eb' snab'en 'ayn̈ on̈. 'Ix ya'ch eb' jun niwquil c'ac', yujto caw si'ic, 'ay pax n̈ab'. On̈ yawtn 'at eb' c'achnoc on̈.


A 'a yic jun rato cha, caw tzalj Jesús yuj Yespíritu Dios. 'Ix yaln 'ixtic: Mamin, yajl ach 'a satcha'an̈, yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, yet' 'a eb' caw 'ay snab'en 'a sat eb' yit 'anma'il. Ax eb' 'icha 'unin, a eb' 'ix ac' 'ojcanc 'eli. 'Ixta x'aj Mamin, yujto 'ixta tza nib'ej, xchi 'a Dios.


Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.


Ax wal ax tic, ex to mant 'a e nab'en, cuyc wal e b'a 'a jelnal. Yet' pax ex to tu e nab'en, sayc 'ec' pax wach' nab'enal.


Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?


Swiv nou:

Piblisite


Piblisite