Pr 9:8 - Chuj San Sebastian Bible

⁸ Toto tzqui tenc 'och wan eb' b'uchwjum, 'oj 'och eb' 'ajc'ojlal 'ayn̈ec, palta toto tzca'c cuenta eb' 'ay snab'en, caw 'oj on̈ schamc'ojloquec eb'.

Chuj San Mateo Bible

⁸ Tato tza cach eb' anima ac'umtac, ol och eb' ajc'olal d'ayach. Tato tzal d'a eb' ay spensar b'ajtil tz'och spaltail eb', ol ach xajanej eb'.

Pr 9:8 Referans Kwoze

Salmos 141:5

Palta q'uinloc a junc 'anma wach' snab'en tzin ma'n yet' tz'u'um, mto tzin stumej, a jun cha, caw wach' 'ayin. Yujto lajn 'icha junc perjuma tzlab'b'i tz'ajq'ue 'a in jolom. Palta tzin leslwin̈ej sec tz'och wan eb' maysch'olnil sb'on tas tu'.

Pr 13:18

A meb'a'il yet' q'uixwc'ojlal, a tzjaw 'a quib'n̈ec toto matz qui chajec cab' junc tennb'ilal tzalx 'ayn̈ec; ax toto tzqui chajec cab'i', caw tzon̈ alxec wach'il.

Pr 23:9

Man̈ eyal junc paxti wach' 'a eb' may snab'en, yujto ton̈j 'oj ex sb'uch eb' yuj e paxti cha.

Pr 15:12

A mach ch'an sc'ojlani, matz yal sc'ojl to 'ay mach tz'a'n cuenta, toxn matz c'anb'j pax jac snab'en 'a eb' jelan.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Pr 28:23

A yic 'oj b'ey tiempo, toto 'ay mach tzex tenn 'och wa'an, niwn cab' yel'ch jun chi 'a yib'n̈ junc tzex aln wach'il.

Lv 19:17

Man̈ ex chichnoc 'a junc eyit 'anma'il. A eyico', to tze tenchwa'an, tzeya'n snab'enoc, sec man̈ locnoc ex 'a smul cha.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

A Ch'an̈ B'ab'el Libro Yic Yab'ixal Eb' Rey 1:23

'Ix alx yab' win rey, chajtlto 'ix c'och winac, yuj cha, 'ix 'elt 'ix Betsabé. Ax yic 'ix 'ochch win Natán, 'ix 'em n̈ojn 'a yojltac win rey cha, masnto 'ix squil 'ejm snan̈l sat 'a sat lu'um.

A Ch'an̈ B'ab'el Libro Yic Yab'ixal Eb' Rey 22:8

Ax win sreyl Israel cha, 'ix yaln 'ixtc 'a win Josafat: —'Ay jun win 'aj wach' qui c'anb'ni, tas xchi Jehová 'a quib'an̈. Atn win Micaías, win yunnal Imla. Palta an tic, matz in nib'j tzwil winac, yujto may xon 'aj tzyal win wab' jac tas wach', cojn tas tu tzyal win 'a wib'an̈, xchi winac. 'Ix ta'w win Josafat 'ixtc 'a winac: —Ach rey, man̈ al 'ixta', xchi.

A Ch'an̈ B'ab'el Libro Yic Yab'ixal Eb' Rey 1:32

Yajn̈j wal cha, 'ix ya'n rey David 'awtxoc cot Sadoc win ya'mal 'och qui ti 'a Dios, yet' Natán win schecb' Dios, yet' pax Benaía yunnal Joiada. A yic 'ix c'och eb' 'a yojltac win rey,

Pr 10:8

A eb' 'ay sjelnal, caw tzchaj eb' yab' checnb'il tzalx 'a 'a, palta ax eb' cojn comn paxti tzyala, 'oj satcn 'ejm eb' 'a 'ichn̈jta'.

Pr 13:1

A eb' 'unnab'il wach' snab'en, tzchaj eb' yab' tennb'il tzyal smam 'a 'a; ax eb' tzyij chan̈ sb'a, matz chaj eb' yab'i'.

Pr 19:25

A yic tz'ajx 'och yailal 'a yib'n̈ junc tzyij chan̈ sb'a, a mach mant 'a snab'en, 'oj jawc can snab'en yuj jun cha; ax junc 'ay snab'en, a yic tz'ajx cuenta, tznachj 'el can yu'uj.

Is 36:21

Palta ton̈j sictac xcan eb' chon̈b' chi smasnil, may junc mach 'ix ta'wi yic tzyaln junc paxti', yujto yaljnacx Ezequías, to may junc mach tzta'wi.

Pr 1:5

A eb' 'ay snab'en yet' eb' 'ay sjelnal, smaclc cab' eb' yab'i', sec tzwach' q'uib' snab'en eb', yet' sjelnal eb'.

Pr 23:23

'A'c 'ip e sayn 'ec' tas yel, jelnal, cuynb'il yet' wach' nab'enal. A jun tzo'n̈ cha, man̈ e patquilc can 'eli.