Pr 8:8 - Chuj San Sebastian Bible

⁸ A smasnil jun tzo'n̈ paxti tic, wach'n̈j smasnil; may 'es 'a scal.

Chuj San Mateo Bible

⁸ Masanil juntzan̈ lolonel tic vach'n̈ej, malaj jab'oc es d'ay.

Pr 8:8 Referans Kwoze

Jn 7:46

—'In caw may junc mach tza'wni wal spaxtin 'icha jun cha, xchi eb' policía cha.

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

Salmos 12:6

A tas alb'il oj Mamin Jehová, tztac' ca'n 'och yipc qui c'ojl on̈, yujto lajn 'icha q'uen plata si'mb'il yaj stz'a'i, man̈x 'a jac slumal tzcan 'a 'a, uc 'ejm tz'ajx tz'a 'a yol jorna.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Is 45:23

Mun tzin loc in b'i, yic tzwa'n in ti', to yel tas tzwala, ma'oj in jel in paxti'. 'Oj 'em cumn smasnil 'anma 'a wojltac, ax ya'n eb' sti 'ayn smasnil.

Dt 32:5

Ex wit chon̈ab', caw may e ch'olnil, tenmtac ex, x'och e mul 'a Dios, caw man̈ e mojc tzex 'och yunnaloc.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

Pr 2:15

A 'a tu b'eyb'al ata tzya'ch eb' snab'en, tzyactn can eb' wach' b'eyb'al.

Pr 4:2

A cuynb'il wach' tzwal 'ayex, caw wal tzeya'ilej.

Pr 14:6

Toto tzqui b'an̈c qui b'a, wach'xam tzqui sayc 'ec' jelnal, palta matz 'ilchj cujec; ax toto wach' qui nab'enec, caw yajn̈j cha, tz'ilchj jelnal chi cujec.