Pr 8:14 - Chuj San Sebastian Bible

¹⁴ Toto 'ay qui jelnalec, tztac' qui nanec junc tas 'a swach'il, tz'el'chn̈ej tas tzqui b'o'ec.

Chuj San Mateo Bible

¹⁴ Tato ay co jelanil, syal co naan junoc tas sco c'ulej d'a stojolal, tz'eln̈ejpaxc'ochi.

Pr 8:14 Referans Kwoze

Ec 7:19

A junc mach jelan, tz'ajx ste'nal yuj sjelnal cha, 'ec'b'al yip 'a yib'n̈ lajn̈wan̈oc eb' soldado jeln 'a junc chon̈ab'.

Is 40:14

¿Tom 'ay mach 'aj 'ix sc'anb'j snab'en, mto x'ajx snab'enoc? ¿Tom 'ay mach 'ix cuyni, yic tzyojcan 'el jelnal?

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

A Scarta San Pablo D'a Eb' Aj Colosas 2:3

Yujn̈ej Cristo tic, tztac' snachj 'el smasnil sjelnal Dios cujec, yet' jantcn̈ej tas yojtac.

Ro 1:22

Wach'xam tzyalch sb'a eb' 'anma jelnal, palta caw man̈ nab'enal yaj eb'.

Pr 24:5

Yel xo wach' yic junc jeln snab'en 'a yib'n̈ junc mach 'ay yip; yel xo pax wach' eyico' toto 'ay tas eyojtac, 'a yib'n̈ to 'ay cob' eyip.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

1 Co 1:24

Palta an̈ec xo tic, on̈ yawtjec 'och Dios yico'oc. Yuj cha, wach'xam israel on̈ec, wach'xam man̈ on̈ israeloc, cojquec, a Dios 'aych spoder 'a Cristo, 'aych pax sjelnal 'a 'a.

Jn 1:9

A jun caw yel sacq'uinl yic Dios, wulnc 'ec' 'a yolyib'n̈q'uinl tic. A tz'a'n sacq'uinl 'a spixn smasnil 'anma'.

Pr 1:25

Palta ax tz'aji to tze patquilj can 'el tas tzwala; matz e chaj eyab' 'ajtil tzex in tench wa'an.

Pr 3:21

Ach wunnal, man̈ ac' sat a c'ojl 'a a jelnal yet' 'a a wach' nab'enal, man̈ e'l a sat 'a 'a.

Pr 18:1

Toto man̈ wach'c cajc yet' quit 'anma'il, cojxn wal tas tzqui nib'jec 'ochi, a chi tzqui sayc 'eq'ui, ax wach' nab'en tzcob' 'ajxc 'ayn̈ec, man̈xtzac qui chajec cab'i'.

Pr 19:20

A mach tzchaj yab' junc nab'en tz'ajx 'a 'a, tzchan pax yab' tennb'ilal, to 'ixta', 'oj jelnb'oc.

Is 28:29

An̈jtona', 'ixta pax jun tzo'n̈ jelnal tic, ata tzcot 'a Jehová tztac' yuj smasnil, caw wal satjub'tac yilx smasnil tas nab'il yu'uj, tzya'n 'el'choc yet' sjelnal.

Jeremías 32:19

Caw niwn el'ch yuj tas tza na'a, yet' yuj tas tza b'o'o. Ach tic, tzel smasnil tas tzb'o eb' 'anma', tza'n spac 'a junjn eb' 'a 'icha wal tas smoj schan eb' yuj tas tzb'o'o.

Job 12:13

Palta ax Dios caw wal jelan, 'ay spoder, caw 'ay snab'en. Toto 'ay tas tznib'j sb'o', tz'el'chn̈ej yuj 'icha tzyutj snan cha.