Pr 7:10 - Chuj San Sebastian Bible

¹⁰ Yajn̈j wal cha, x'elt jun 'ix chi wul scha win muc'uc. 'Icha wal spichn sb'a junc 'ix 'ajmul 'ix, 'ixta yilx 'ix yet' spichul, 'ixta pax snab'en 'ix.

Chuj San Mateo Bible

¹⁰ Ix elta lemnaj ix scha vin̈. Icha spichul eb' ix ajmul ix spichul ix ayochi, icha pax spensar eb' ix chi' spensar ix.

Pr 7:10 Referans Kwoze

1 Ti 2:9

Ax eb' 'ix 'ix, yowlal wach' tzyutj eb' ya'n 'och spichul, tojln̈ej tzyutj eb' ya'n 'ochi. Man̈ b'an̈quintacc tzyutj eb' sch'umn sjolom. Matz tac' sb'an̈n sb'a eb' ya'n 'och jun tzo'n̈ oro tzictzni yilxi, yet' slixtonal ston̈. Yet' spichl eb', man̈ comnoc tzb'an̈ sb'a eb' yet' jun tzo'n̈ pichl caw chan̈ stojol.

Jeremías 4:30

A Jerusalén, tox 'ix 'ixtx 'eli. Lajn tzyutj sb'a 'icha junc 'ix 'ix to nab'axoj tzb'o sb'a yet' te pichl nab'a púrpura. Tzya'n 'och 'ix q'uen oro caw wach' yilx 'a 'a, caw q'uic' tzyutj 'ix ya'n 'och yan̈l yol sat. Wach'xam caw wach' yilx tzyutj ton 'ix sb'on sb'a, palta man̈x 'a jac yel'chi, yujto a ewin winc chamc'ojlb'il cob' yuj 'ix, tox xyajx can 'el 'ix yuj ewinac. A tas tzna ewinac, to tzsay ewin tas 'oj yutc smiln cham 'ix. 'Ixta wal yaj Jerusalén yet' jun tzo'n̈ xo nacion̈.

A Ch'an̈ Schab'il Libro Yic Yab'ixal Eb' Rey 9:30

Xlajw cha, 'ix 'at Jehú 'a Jezreel. A yic 'ix yab'n 'ix Jezabel tas 'ix uji, 'ix sb'on̈n 'ix yol sat, caw wach' xyutj 'ix squichn sjolom, sec wach' yilx 'ix. Xlajw cha, 'ix 'elt t'an̈n 'ix 'a jun wentnu.

Is 23:16

Ach 'ajmul 'ix, man̈x 'a mach tzach nan coti, 'ij 'at a arpa, 'ixc b'eyc'oc 'a yoltc chon̈ab', caw wach' tzotj a'n 'och a son, niwn b'it tza b'itnej, toq'ue 'ayt mach tzach nan coti, xchi jun b'it cha.

A Ch'an̈ Schab'il Libro Yic Yab'ixal Eb' Rey 9:22

A yic schan sb'a rey Joram chi yet' Jehú, 'ix yaln 'a 'ixtic: —¿Junc'ojlal am tzach jaw Jehú? xchi. 'Ix ta'w Jehú 'ixtic: —¿'Aj 'oj ec' junc'ojlal, ya' sb'a a 'ix a nun Jezabel an̈j 'ijnoc yoch 'ix 'emmquilal 'a jun tzo'n̈ comn dios yet' sb'alwjumal? xchi Jehú.

Gn 3:1

Palta a no chan yel xo wal jeln no 'a yib'n̈ smasnil no calte'al noc' sb'o Jehová Dios. Xyaln no 'a 'ix 'ix 'ixtic: —¿Tom yel 'ix yal Dios, to matz e lo sat smasnil te 'awb'ente tic? xchi no'.

Pr 23:28

Tzmacwj eb' 'ix 'a yol b'e 'icha junc 'elc'um. Til wal eb' winc tzjuw 'el yuj eb' 'ix.