Pr 6:6 - Chuj San Sebastian Bible

⁶ Ex 'isaj, 'iltec e no san'ich; tzcham wal eyoch q'ueln 'a tas tzb'o e no', tzcham e cuyw 'a spatquil e no'.

Chuj San Mateo Bible

⁶ Ach anima malaj a gana a munlaji, ilnab' noc' ch'equem, sic'lab'il tzila' tas syutej noc' smunlaji yic tz'ilchaj svael noc', scham val a c'ayb'an d'a noc'.

Pr 6:6 Referans Kwoze

Pr 20:4

A mach 'isaj, matz munlj 'a yic stiempoal yawx 'awb'en, ax yic stiempoal jach'oj, toc 'ay jac tas tzmolo.

Pr 18:9

A eb' 'isaj yet' eb' ton̈j tzjun 'el junc tas, 'icha to yu'tac sb'a eb'.

Pr 6:9

¡Colb'ilx e way chi 'ex 'isaj! Colb'ilx eyaj'c teln e way cha.

A Ch'an̈ Carta D'a Eb' Hebreo 6:12

Tzqui nib'j on̈, man̈ 'isjoc tzeyutj e b'a 'a yic Dios. B'eylb'ejc sb'eyb'al eb' caw tzya'ch sc'ojl 'a 'a, eb' caw te'n tzyutj sb'a. A eb' 'ixta tzyutj sb'a cha, wan yica'an eb' jun tzo'n̈ tas 'aj ya'jnac Dios sti yu'uj.

Pr 13:4

A eb' 'isaj, 'ay tas tznib'j eb', palta matz 'ilchj yuj eb'; ax eb' tzmunlji, caw wal 'oj niwtjoc tas 'ay 'a eb'.

Mt 25:26

Palta xyaln win spatron̈ win chi 'ixtic: Ach tic cob' moso ach, palta may a ch'olnil, caw 'isj ach. 'In ojc xoni, toxn̈ej tzin jach'a, palta may tas tzwawej, toxn̈ej tzin chaj wico'oc tas tzyac' ganar junc xo 'anma'.

Pr 30:25

Atn no san'ich, may wal yip e no', palta ax 'a cuaresmail, ata tzmolb'tzej can e no tas tzc'uxu;

Ro 12:11

Caw c'asn tzcutjec qui b'a 'a Cajlil. Man̈ 'isjoc tzcutjec qui b'a 'a 'a. Yet' smasnil qui c'ojol, tzca'nec servil Cajlil.

Pr 21:25

A mach 'isaj, tzcham snib'n 'och junc tas, palta matz 'ilchj yu'uj, yujto man̈ yojcoc smunlji.

Pr 19:15

A 'isjal a tz'i'n cot wayan̈, a mach 'isaj, 'oj yab' syal yuj wejel.

Pr 22:13

A mach 'isaj, tzyal cob' 'ixtic: 'Ay jun no león 'a yol b'e, snib'j no in smil chamoc, xchi; tzyal 'ixta', yujto matz nib'j munljoc sb'a.

Pr 10:26

A eb' tzchecb'an eb' 'isaj, caw tzyab' eb' syal yuj eb', yujto matz yij sb'a jun checnb'il chi yuj eb'. Lajn 'icha wal syal s'at spajl no vinagre 'a yib' que, mto 'icha wal syal s'at tab' 'a yol qui sat, 'ixta yaj eb' 'a eb' tzchecn cha.

Pr 19:24

A mach 'isaj, tzya' cob' 'ejm sc'ab' 'a yol yuc'ab', palta ax ya'n 'och tas tzc'ux 'a sti', caw wal 'ajltac tzyila.

Mt 6:26

'Iltec no ch'ic tzlaj jen̈n̈'ec' 'a cha'an̈: May tas tzyawj no', may tas tzjach' no', may pax tas tzmol no', palta a qui Mam Dios 'ayc' 'a satcha'an̈, a tz'a'n jantcn̈ej tas tzc'ux no'. Palta ax xo tic, yel xo wal niwn eyel'ch 'a yib'n̈ no 'a sat Dios.

Pr 15:19

A 'a eb' 'isaj, 'icha to 'ay 'ejm q'uix 'a yol sb'e eb'; ax eb' wach' snab'en, caw tojl sb'e eb', may tas 'ay 'ejm 'a yol sb'e eb' cha.

Pr 1:17

May yopiso junc yal tzb'o'i, toto tzyil sb'a no ch'ic 'a 'a,

Is 1:3

A no wacax yojc no yajal, yet' no b'uru yojc no 'aj tz'ajx wa yuj mach 'ay yico'. Palta ax in chon̈b' Israel, toxn man̈ jac tznachj 'el yu'uj toto wico', 'icha to may xon snab'en, xchi.

Pr 23:19

Ex wunnal, chajec yab'i', tze cuyni, 'a'c eyip e b'eylb'an swach'il.

Pr 30:24

'Ay chan̈ macn̈ no cotc noc' yel xo wal 'ay snab'en 'a sat lum lum tic, 'ec'b'al snab'en e no 'a yib'n̈ eb' 'anma jelan:

Jeremías 8:7

A e no cigüeña tz'ec' 'a satcha'an̈, yojc e no stiempoal b'a'n̈ tzmeltzj e no 'a yet'ul. An̈jtona e no cowojte', e no pechul, yet' e no grulla, yojc e no', b'a'n̈ tz'at e no 'a junc xo lugar. Palta ax xo tic ex in chon̈ab', caw man̈ eyojcoc jac in ley.

Pr 10:4

A eb' matz nib'j munljoc sb'a, 'oj 'och eb' meb'a'il, ax eb' tzmunlj si'mb'il, 'oj 'och eb' ricoal.