Pr 6:34 - Chuj San Sebastian Bible

³⁴ A win winc x'ixtx yistzil cha, caw ow win 'icha te c'ac', matz yac' win niwnc'ojlal 'a yic tzc'och sc'ul spacn sb'a.

Chuj San Mateo Bible

³⁴ A vin̈ ix ixtaj ix yetb'eyum chi', te ov vin̈ icha te tzac'ac', man̈ jab'oc syac' nivanc'olal vin̈ ayic sc'och stiempoal yac'anec' spac vin̈.

Pr 6:34 Referans Kwoze

Cantares 8:6

Comnoc matz chaj a c'ojl tas tzyal junc xo 'ix 'ix, cojn cab' wic tzchaj a c'ojol. May cab' junc xo mach tza la'coti, cojn in cab' tzin a la'coti. A qui chamc'ojlal 'ayn̈ junjn on̈, 'ay cab' yip 'icha chamel. 'Icha yet'l eb' chamnac, matz yactj 'el tas yamb'il yu'uj, 'ixta cab' qui chamc'ojlal tic, lajn cab' 'icha te stzac'ac' caw ow sn̈ilchji.

Pr 27:4

A c'a'lc'ojlal yel xo wal tu', niwn tas tzjuw 'el yu'uj. Ax pax chichnc'ojlal, toc 'ay mach tztac' scoln sb'a 'a 'a.

1 Co 10:22

¿Tom tzqui nib'j tzquijec cot yowl sc'ojl Cajlilec 'a quib'an̈? ¿Tom tze na'a, to yel xo 'ec'b'al qui poder 'a yib'an̈?

Nm 25:11

A Finees, a 'ix 'a'n sicb'oc yowl in c'ojl 'a yib'n̈ eb' chon̈b' tic, yujto locn xyab' syal wet'oc. Q'uinloc man̈toc 'ixta xyutej, toto 'ixta', 'ix lajw scham eb' 'anma tic smasnil.

Gn 39:19

'Ixta wal in yutj jun a moso tic, xchi 'ix. Ax win spatron̈ José cha, caw xcot yowl win si'mb'il yic xyab'n win tas xyal 'ix yistzil cha.

Pr 6:33

Caw wal 'oj scha yailal, ax sma'xi, man̈x 'oj sat sc'ojl eb' 'anma 'a sq'uixwelal cha.

Pr 6:35

Matz chaj win siylab' tzyac' mach tz'och smul cha, matz sicb' xon jac yowl sc'ojol, wach'xam caw niwn siylab' tz'ajx 'a winac.

Pr 11:4

A wal yic 'oj jawc jun c'u yic 'oj 'och b'eyc'ojlal 'ayn̈ec, caw wal man̈x 'a yel'ch qui ricoalec cha, cojxn qui tojl b'eyb'alec, a 'oj qui colnec 'el 'a yol sc'ab' chamel.

Is 13:17

'Oj wi' cot eb' 'aj Media, ax sjaw eb' 'a scal eb'. A jun tzo'n̈ 'anma cha, may tz'och q'uen plata yet' q'uen oro yuj eb'.

A Ch'an̈ Schab'l Libro Samuel 11:5

A 'ix 'ix cha, 'ix yijcan 'ix yune yuj David, yuj cha, 'ix ya'n 'ix alxoc 'a winac.