Pr 6:14 - Chuj San Sebastian Bible

¹⁴ Jun 'ejmn̈ej to caw tu snab'en eb'. Cojxn̈ej maysch'olnil nab'il yuj eb'. Cojxn owl tzlaj yi' chan̈ eb' 'aj tzlaj 'eq'ui.

Chuj San Mateo Bible

¹⁴ Juneln̈ej te chuc spensar eb', axon̈ej malaj svach'il sna sc'ulej eb'. A b'aj tz'ec' eb', an̈ej oval sq'uecan vaan yuj eb'.

Pr 6:14 Referans Kwoze

Miqueas 2:1

'Oltac wal eb' waync cob'i', palta xoj smitz'tz'ec' snab'en eb' snani tas maysch'olnilal 'oj sb'o eb', ax yic tzsacb' 'eli, tzyamn 'och eb' sb'on tas tzna cha, yujto 'ayc' 'a yol sc'ab' eb' sb'oni.

Ro 16:17

Ex wu'tac, ex wanab', 'ay eb' 'a e cal, wan ya'lni eb' laj e pojl e b'a, tzya'lni eb' ya'n somchjc 'el e nab'en, palta caw man̈ 'ichcta tzyal jun tzo'n̈ cuynb'il 'aj cuywnac ex, yuj cha, caw tzeyil wal e b'a 'a eb'. Yowlal tzeyij 'el e b'a 'a scal eb'.

Os 8:7

Yuj maysch'olnil xlaj sb'o eb', yuj cha, caw niwn jun yailal 'oj jawc 'a yib'n̈ eb'. Toxn may jac tas 'oj yic' eb' 'a tas 'awb'il yu'uj, may harina 'oj yac' sat strigo eb'. Toxn̈ej 'ay jac 'oj smol eb' jun, palta a eb' chuc chon̈b'al 'oj wanoc 'a eb'.

Ez 11:2

'Ix yaln Jehová 'ayn 'ixtic: Ach 'anma', 'ilt wal jun tzo'n̈ winc tic, atn eb' tznalb'ej sb'on maysch'olnilal, tzya'n eb' nab'en man̈ tojloc 'a eb' 'anma'.

Is 57:20

Palta ax eb' tu snab'en, lajn eb' 'icha a mar tzq'ue wan b'alb'noc yib'n̈ yuj 'ic', may tz'aj yoch wan a', tzlaj yi'n cot a smasnil c'alem, 'ixta yaj eb'.

Is 32:7

A eb' 'e'nc 'a yib'an̈, tzyij eb' yip 'a tas cuyb'il yuj 'a stu'al, tznan chan̈ eb' tas tu'. Tz'ixtx eb' meb'a yuj eb', tzyac' eb' 'es 'a eb', tzyixtn paxti eb' junc mach to tznib'j tzb'oyaj sb'a 'a sc'aq'uil.

Pr 22:8

A mach tzb'on jun tzo'n̈ tas man̈ tojloc, cojn yailal 'oj jawc 'a yib'an̈, man̈x 'oj stac' yixtx eb' yit 'anmal yu'uj.

Pr 21:8

A sb'eyb'al jun maysch'olnil cha, man̈ tojloc; ax sb'eyb'al junc wach' snab'en, caw tojol.

Pr 3:29

Man̈ a na a b'on junc tu nab'enal 'a junc et 'anmal tzaljc'ojlal cajn 'a a tz'ey.

Pr 2:14

A eb' 'anma cha, caw tzalj eb' sb'on stu'al, tznan pax eb' sq'uin̈l tas maysch'olnil.

Salmos 36:4

A yic teln 'ec' eb' 'a sat sch'at, cojn maysch'olnil tzna eb'; mitz'tz'i yec' snab'en eb' sb'on tas tu'. Matz yal sc'ojl eb' tzyij 'el sb'a 'a maysch'olnil.

Salmos 140:2

atn eb' nab'il maysch'olnil yu'uj. Cojn owl tzsay eb' sb'o 'a junjn c'u.

Pr 16:27

A mach maysch'olnil snab'en, cojn maysch'olnil nab'iln̈ej yu'uj; a paxti tzyala, lajn 'icha c'ac' tzn̈usn junc tas.

Pr 17:20

Toto maysch'olnil qui nab'enec, may b'a'n̈ xon 'oj quilc wach'il; toto tzon̈ paxtinec 'a chab'satil, 'oj jawc yailal 'a quib'n̈ec.

Pr 24:8

A mach cojn maysch'olnil tzna'a, til wal sb'inax yuj stul cha.

Salmos 140:3

A spaxti eb', lajn wal 'icha sti no chan, lajn pax 'icha svenenoal sti no q'uex.

Pr 3:32

Yujto matz tzchaj sc'ojl Jehová eb' maysch'olnil snab'en, palta ax eb' wach' sb'eyb'al, caw tzalj yet' eb'.

Pr 14:22

A eb' cojn maysch'olnil tznib'j sb'o', satnc xo eb' 'a sb'e; ax eb' to a wach' tznib'j sb'o', caw tzchaml sc'ojl eb' 'anma yet' eb', tz'o'ch pax sc'ojl eb' 'a eb'.