Pr 6:12 - Chuj San Sebastian Bible

¹² A eb' maysch'olnil snab'en, cojn 'es tzlaj 'ec' yal eb' 'a scaltc n̈a,

Chuj San Mateo Bible

¹² A eb' chuc spensar, an̈ej es tzec' yal eb' d'a scal eb' anima.

Pr 6:12 Referans Kwoze

Mt 12:34

Ax tic, caw 'ixtm 'anma 'ex, lajn ex 'icha no chan. Yuj cha, ¿tom 'ay jac tas wach' tz'el eyalni? Yujto an̈j tas 'ay 'a e nab'en, an̈j chi tzeyala.

Pr 16:27

A mach maysch'olnil snab'en, cojn maysch'olnil nab'iln̈ej yu'uj; a paxti tzyala, lajn 'icha c'ac' tzn̈usn junc tas.

Pr 4:24

Man̈ a'ch a b'a 'a'm 'esal, 'actj can aln jun tzo'n̈ cha.

1 Ti 5:13

A eb' 'ix cha, tzcuy sb'a eb' 'a 'isajil. Ton̈j tz'ec' eb' paxtinc 'a scal n̈a. Man̈ cojnoc to 'isj eb', alm peclal pax eb'. Ton̈j tzcomn 'a'j 'och sb'a eb' 'a jun tzo'n̈ 'aj may yaln yico'. Tzyaln pax eb' jun tzo'n̈ tas maysch'olnil.

A Tas Sc'ulejnac Eb' Schecab' Jesús Hechos 20:30

An̈jtona 'a e cal ax tic, 'ay pax jun tzo'n̈ xo eb' 'oj pitzwc cha'an̈. Ax ya'n eb' jun tzo'n̈ 'es, yic tzya'n eb' sc'ojloc eb' creyente, sec tz'och eb' yet' eb'.

Pr 17:4

A eb' tu snab'en, tzchaj sc'ojl eb' tu paxti'al. Ax eb' 'a'm 'es, tzchaj sc'ojl eb' alj peclal.

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

Santiago 3:6

'Icha jun c'ac' cha, 'ixta qui ti'ec. Smasnil jun tzo'n̈ maysch'olnil 'a yolyib'n̈q'uinl tic, tztac' yu'uj. A qui ti'ec, junn̈j yaj yet' qui niwnalec, palta a tz'i'n 'at qui niwnalec 'a maysch'olnil. Caw tzyij cot cusc'ojlal 'a quib'n̈ec 'a smasnil tiempo. Yujto a jun tzo'n̈ maysch'olnil tzyal qui ti'ec, a 'a infierno tzcoti.

Pr 11:6

Toto tojl qui b'eyb'alec, wan qui colnec qui b'a 'a tas maysch'olnil; palta toto man̈ tojloc qui b'eyb'alec, caw tzqui yalejec qui b'a yuj qui saynec 'ec' tas tzqui nib'jec 'ochi.

Pr 6:14

Jun 'ejmn̈ej to caw tu snab'en eb'. Cojxn̈ej maysch'olnil nab'il yuj eb'. Cojxn owl tzlaj yi' chan̈ eb' 'aj tzlaj 'eq'ui.

Salmos 36:3

Cojxn̈ej tu paxti'al tzyal eb', tzlaj ya'nc eb' 'es, tzyactn can eb' tas tojol, man̈xtzac snib'j eb' sb'o tas wach'.

Salmos 10:7

Cojn catb' paxti tzyal eb', tzlaj ya'n eb' 'es, tzlaj xib'tw eb' yet' spaxti', an̈j maysch'olnil tzyal eb'.

Salmos 10:3

Mamin Jehová, a eb' tzb'on maysch'olnil, tzyij chan̈ sb'a eb' yet' tas tznib'j 'ochi. A eb' tznib'j 'och smasnil tas, tzb'uchwj eb' 'a 'ayach, tzach spatquiln can 'el eb'.

Santiago 1:21

Yuj cha, 'actjec can jantcn̈ej tas tu 'a sat Dios, yet' smasnil maysch'olnil. Caw tze wach' 'a'j 'och e c'ojl 'a spaxti Dios 'a 'emmquilal, atn jun alb'ilx can 'ayex, yujto a spaxti tic, tztac' tzon̈ colchjec yu'uj.

Jeremías 24:2

A 'a yojl junc te xuc cha, ata 'ay 'ejm te caw wach', caw wal 'ec'um, atn te sb'ab'l sat. Ax 'a yojl junx te xuc cha, ata 'ay 'ejm te c'al xo, man̈xtzac stac' qui lon te'.

A Ch'an̈ B'ab'el Libro Samuel 17:28

A yic wan spaxtin David yet' jun tzon̈ winc cha, 'ix yab'n win sb'ab'l 'u'tac, atn win Eliab. Caw xcot yowl win si'mbil 'a 'a, xyaln 'a 'ixtic: —¿Tas tzwul a b'o 'a tic? ¿Mach 'ix ac' 'ilnc can jayc'otn̈ e no calnelu 'a cusltac lu'um? Wojc wal cob' a b'an̈quinal. ¡Caw tu tas 'ayc' 'a a nab'en! ¿Tas yuj ton̈j tzwul ela' tas tz'aj yoch owal? xchi.

Pr 10:32

A eb' wach' snab'en, an̈j wach' paxti tzyal eb'; ax eb' maysch'olnil snab'en, cojn tu paxti tzyal eb'.

Salmos 101:3

May wal b'a'n̈ 'oj wa'ch in nab'en 'a tas maysch'olnil. Matz in nib'j wil eb' tzyij 'el sb'a 'a a tz'ey, may wal junc eb' 'oj wa'ch yopiso 'a in despacho.

Pr 3:32

Yujto matz tzchaj sc'ojl Jehová eb' maysch'olnil snab'en, palta ax eb' wach' sb'eyb'al, caw tzalj yet' eb'.

Pr 16:30

A junc mach wan yec' 'a snab'en sb'on maysch'olnil, tzmutz'mutz'n yol sat, tzc'uxn sb'a sti'.