Pr 5:19 - Chuj San Sebastian Bible

¹⁹ Wach'n̈j cab' yilx 'ix 'a a sat; 'icha cab' wal yilx junc no c'ultquil chej. May cab' tz'aj slajw a chamc'ojlal 'a 'ix. 'Ay cab' 'a tzaljc'ojlal yuj schamc'ojlal 'ix 'ayach.

Chuj San Mateo Bible

¹⁹ Vach'ocab' yilji ix d'a yol a sat, icha val junoc noc' c'ultaquil chej. Mocab' lajvoc a tzalajc'olal d'a ix, ayocab' a tzalajc'olal chi' yujto xajan ach yuj ix.

Pr 5:19 Referans Kwoze

Cantares 7:3

A chab' em, lajn 'icha chawn̈oc no cotc c'ultquil chej mojn 'aljnac.

Cantares 2:9

Lajn sjaw ni 'icha junc no c'ultquil chej. A ni quelm cha, 'ayx 'ec' 'am ni chi nec 'a spatc n̈a, t'an̈n xo 'oxt am ni 'a ventnu.

Cantares 8:14

Ach quelm chamc'ojlb'il wu'uj, carela a cot 'ayin. 'Ac' 'ip a b'ey 'icha no c'ultquil chej, 'icha wal junc no yune no c'ultquil chej 'ay 'a eb' lum tzalctac 'a 'aj 'ay eb' te incienso su'q'ui sjab', xchi 'ix.

Cantares 4:5

A chab' em, lajn wal yilx 'icha chawn̈oc no cotc c'ultquil chej mojn 'aljnac, tzmontj wa sb'a 'a scal eb' te c'ultc 'ay snich.

Cantares 2:17

Ach quelm to chamc'ojlb'il wu'uj, ya' sb'a mantzac sacb'eli, meltzjan̈ paxta; lajn cab' tzotj a b'a 'icha junc no c'ultquil chej, 'icha cab' pax e no cotc c'ultquil chej tzb'atj chan̈ scot 'a lum jolmctac witz, xchi 'ix.

Pr 5:15

Yuj cha, cojn cab' 'a 'ix estzil 'aj tza'ch a nab'en, 'ac' a gana yet' 'ix.

A Ch'an̈ Schab'l Libro Samuel 12:4

Ax win rico cha, 'ay jun win b'eymal 'anma xjaw 'a winac, palta ma'ix yac' win rico chi schi win b'eymal 'anma chi junc scalnelu cha, mto junc swacax, sec tzwa win yet' winac, palta a no yic win meb'a chi 'ix yij 'eq'ui, 'ix sb'on schi win xjaw 'a win cha, xchi Natán.

Pr 5:20

Ach wunnal, man̈ ac' somchjoc a nab'en yuj junc 'ix 'ajmul 'ix. ¿Tas yuj tza'ch a b'a 'a yol sc'ab' junc 'ix 'ayx yichmil?