Pr 5:12 - Chuj San Sebastian Bible

¹² Ax to cob' alnc 'ixtic: ¿Tas wal yuj in spatquilj can 'el tennb'il yet' wach' nab'enal?

Chuj San Mateo Bible

¹² Axo ol alan icha tic: ¿Tas val yuj ix in patiquejel in cachnab'il? ¿Tas val yuj maj in c'anab'ajej?

Pr 5:12 Referans Kwoze

Pr 12:1

Caw 'ay qui nab'enec toto tzqui chajec 'ajxoc cuenta qui b'a, ax toto matz qui chajec 'ajxoc cuenta qui b'a, caw may qui nab'enec.

Pr 15:5

A eb' may snab'en, caw matz chaj eb' yab' tennb'il tzyac' smam 'a 'a, ax eb' tzchaj yab'i', wan sch'oxn 'el eb', chajtlto 'ay snab'en eb'.

Pr 1:25

Palta ax tz'aji to tze patquilj can 'el tas tzwala; matz e chaj eyab' 'ajtil tzex in tench wa'an.

Pr 1:22

Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?

Pr 1:7

A eb' tznib'j jeln tz'aji, 'ay cab' yel'ch Jehová 'a sat eb'; a eb' may snab'en, caw matz nib'j eb' yab' jun tzo'n̈ jelnal yet' cuynb'il.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Pr 13:18

A meb'a'il yet' q'uixwc'ojlal, a tzjaw 'a quib'n̈ec toto matz qui chajec cab' junc tennb'ilal tzalx 'ayn̈ec; ax toto tzqui chajec cab'i', caw tzon̈ alxec wach'il.

Salmos 50:17

'In matz yal e c'ojl tzex wa' cuenta, may pax yel'ch in paxti 'ayex.

Salmos 73:22

Caw matz nachj 'el xon jac wu'uj, 'icha wal junc no noc' may snab'en, 'ixta 'in 'a ojltac.

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

2 Cr 25:16

Palta a yic xyaln jun schecb' Dios jun tzo'n̈ cha, 'ix ta'w win rey, xyaln win 'a 'ixtic: —¿Tom xwal 'ayach, to ach tzac' in nab'enoc an rey in tic? 'Actj aln jun tzo'n̈ cha. ¿Mto tza nib'j tzach milx chamoc? xchi win 'a 'a. Ax jun schecb' Dios cha, man̈xtoc 'ix tew 'och 'a 'a, palta 'ix yaln can 'a win 'ixtic: —Wojc an tic, nab'ilx yuj Dios to 'oj ach yac' lajwoc, yujto xa b'o jun tic, ma'ix a yiclj tas 'ix wala, xchi 'a 'a.

Gn 19:9

Palta xyaln ewin 'ixtc 'a 'a: —'Eln̈ 'a qui sat. ¿Tom ach chuc chon̈b'alch tic tza nib'j cojxn ach tzala? A ticnec, 'ec'b'al xo 'oj ach quixtc 'a yib'n̈ ewinac, xchi eb'. Xlajw cha, snib'n eb' yecl Lot cha, yic tznitzn 'ochch sb'a eb' 'a stz'ey te smac n̈a cha, yic tzma'n poj eb' te snani.

Pr 6:23

Yujto a jun checnb'il tic yet' jun cuynb'il tic, lajn wal eb' 'aych 'icha junc cantil 'aych sc'aq'uil. A tennb'il yet' wach' nab'enal, a tzach 'i'n 'at 'a jun b'e yic q'uinal.

Pr 5:11

Ax 'oj 'ajoc, toxn̈ej 'oj o'cn 'eq'ui, jab'jnal xoj 'oj 'aj sat 'ejm a niwnal.

Pr 8:36

A pax eb' matz chan 'ab'nc paxti yic jelnal, mun a eb' tzyij cot yailal 'a yib'an̈. A eb' tzpatquiln can 'el jelnal, a chaml wan yi'n cot eb' 'a yib'an̈.

Pr 10:17

A eb' tzchan 'ab'nc tennb'ilal, 'oj 'ilchjoc sq'uinl eb' yu'uj; ax eb' matz chan 'ab'noc, 'oj satl eb'.