Pr 4:5 - Chuj San Sebastian Bible

^5-6 'Ij a jelnal yet' a wach' nab'enal, man̈ ac' sat a c'ojl 'a jun tzo'n̈ in cuynb'il tic. Man̈ actc a b'eylb'ani, to 'ixta', may tas 'oj e'ni. Tzaljan̈ yet' jelnal, man̈ a patquilc can 'eli, yu'uj ax a colchj can 'eli.

Chuj San Mateo Bible

⁵ Cha a jelanil yed' a vach' pensaril, man̈ ac'b'at in lolonel tic satc'olal.

Pr 4:5 Referans Kwoze

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

2 Cr 34:2

Caw tojl tas 'ix 'el sb'on 'a sat Jehová. 'Ix sb'eylb'ej sb'eyb'al David, atn smam yicham, toxn ma'ix yij 'el sb'a jac 'a 'a.

Pr 19:8

Toto tzqui b'eylb'ejec tas tzqui cuyu, tzqui saynec qui wach'il, toto 'ixta', caw tzon̈ q'ue'chec yet' qui nab'en.

Pr 17:16

¿Tas yuj tzjaw junc may snab'en yet' tumin yuj snib'n sman sjelnal? ¿Tas wal 'oj 'och yu'uj, yujto toxn to may snab'en?

Pr 8:5

Ax wal ax tic, ex to mant 'a e nab'en, cuyc wal e b'a 'a jelnal. Yet' pax ex to tu e nab'en, sayc 'ec' pax wach' nab'enal.

Salmos 44:18

May 'ajtil 'ix qui na ach cactn can on̈, may pax 'ajtil 'ix cactj can a cuynb'il on̈.

Pr 23:23

'A'c 'ip e sayn 'ec' tas yel, jelnal, cuynb'il yet' wach' nab'enal. A jun tzo'n̈ cha, man̈ e patquilc can 'eli.

Pr 18:1

Toto man̈ wach'c cajc yet' quit 'anma'il, cojxn wal tas tzqui nib'jec 'ochi, a chi tzqui sayc 'eq'ui, ax wach' nab'en tzcob' 'ajxc 'ayn̈ec, man̈xtzac qui chajec cab'i'.

Pr 16:16

Yel xo wach' a jelnal tzqui sayc 'ec' 'a yib'n̈ to tzqui sayc 'ec' q'uen oro. Yel xo pax wach' to a wach' nab'enal tzqui sayc 'eq'ui, 'a yib'n̈ to tzqui sayc 'ec' q'uen plata.

Salmos 119:157

Til wal eb' 'ajc'ojl yajch 'ayin, tzin cob' yixtc eb' snani, palta an xo, matz wij 'el in nab'en 'a jun tzo'n̈ a paxti tic.

Salmos 119:51

A eb' b'an̈quintac tzin laj sb'uch eb', til wal tzyutj eb' yaln 'ayin, palta man̈ yujoc cha, tzwij 'el in nab'en 'a a cuynb'il.

Job 23:11

An tic, a jun b'eyb'al 'aj ch'oxb'iln yu'uj, an̈jta tzin b'eyi, may 'aj tzin jel in b'eyb'al.

Pr 3:1

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,

Pr 4:7

'Ac' ep a sayn 'ec' jelnal, yujto 'ec'b'al yel'ch 'a yib'n̈ smasnil tas. Yet' smasnil a c'ojol, tza'n 'och a nab'en 'a 'a.