Pr 4:4 - Chuj San Sebastian Bible

⁴ Caw tzin scuy in mam cha, tzyaln 'ayn 'ixtic: Molcn jun tzo'n̈ in cuynb'il tic 'a a nab'en, yiclj jun tzo'n̈ tzwal tic sec 'oj najtxb'oc a q'uinal.

Chuj San Mateo Bible

⁴ A d'a jun tiempoal chi', icha tic ajnac yac'an in c'ayb'ub'al vin̈ in mam. Yalannac vin̈ icha tic: Sic'can in lolonel tic d'a a pensar, c'anab'ajej tas sval tic, yic vach' ay a q'uinal.

Pr 4:4 Referans Kwoze

Pr 3:1

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,

Jn 12:50

Wojtac, yuj schecnb'il cha, tztac' schan eb' 'anma sq'uinl 'a jun 'ejmn̈ej. Yuj cha, 'icha yaj yaln in Mam 'ayin; 'ixta tzwutj walni, xchi Jesús.

Pr 7:2

Yiclj jun tzo'n̈ in checnb'il yet' in cuynb'il tic; 'icha tzotj a ya'iln sc'ul yol a sat, 'ixta tzotj eb', sec 'ay a q'uinal.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

2 Ti 3:15

Yictax a cot'ch 'a yune'al, cuywnacch 'a Ch'an̈ Un̈ yic Dios. A Ch'an̈ tz'a'n jelnb'oc qui nab'en, sec tzon̈ colchji, yic tzca'n 'och qui c'ojl 'a Cristo Jesús.

Ef 6:4

Ax xo mamb'il ex, man̈ e comn tzuntzc cot yowl sc'ojl eb' eyunnal. A yic tze q'uib'tzan eb', tzeyac' cuenta eb'. Tze cuyn pax eb', sec tzya'ch eb' sc'ojl 'a Cajlil.

Dt 6:6

A jun tzo'n̈ paxti tzwalcn 'ayx tic, molc can 'a e nab'en.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

2 Ti 1:5

Wojtac, yelc'ojlal tza'ch Cajlil 'a a c'ojol, 'icha sb'ab'l 'utjnac sb'a a nunchichm Loida, yet' a nun Eunice. Wojtac, 'icha yutjnac eb' ya'n 'och sc'ojl 'a Cajlil, 'ixta tzotj pax a b'a jun xo.

Pr 22:6

Cuyc eb' 'unn 'a wach' b'eyb'al, sec ax yic 'oj 'och eb' 'ichm 'anma'il, ma'oj yi'l eb' snab'en 'a jun cuynb'il tic.

Salmos 119:11

Tzin mol a paxti 'a in nab'en, sec matz 'och in mul 'ayach.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Salmos 119:168

Tzin yiclj a checnb'il yet' smasnil tas tzala, caw ojc pax yilx smasnil in b'eyb'al.

Pr 23:26

Ex wunnal, macljec wal eyab' tas tzwala, si'mb'il tzex 'och q'ueln 'a in b'eyb'al,

Jueces 13:12

'Ix yaln Manoa 'ixtc 'a 'a: —A yic 'oj 'el'choc jun tzo'n̈ a paxti tic, ¿tas wal 'oj cutc qui q'uib'tzan jun 'unn chi 'on̈? ¿Tas yowlal 'oj qui b'o yet' on̈? xchi.

Salmos 119:144

A jun tzo'n̈ a paxti alb'il can oj tic, caw tojl eb'. 'Ac' jawc in nab'en, sec 'ay in tzatzil.

Pr 3:2

sec 'oj najtxb'oc a q'uinal, caw tzaljc'ojlal 'oj eq'ui.

Jeremías 38:20

Yuj cha, xwaln 'ixtc 'a winac: —Mamin rey, ma'oj ajx 'och 'a yol sc'ab' eb'. Yiclj wal spaxti Jehová 'ix wal 'ayach, sec 'ixta 'oj aj a colchji, caw wach' 'oj 'el'chi.