Pr 4:19 - Chuj San Sebastian Bible

¹⁹ Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.

Chuj San Mateo Bible

¹⁹ Axo sb'eyb'al eb' chuc spensar jun, lajan icha yic tzon̈ b'eyec' d'a scal q'uic'alq'uinal, man̈ chequeloc b'aj sco tenoch coc.

Pr 4:19 Referans Kwoze

Jn 12:35

Yuj cha, xyaln pax 'a eb' 'ixtic: —An tzwac' sacq'uinl 'a e pixan, 'ayn 'ec' 'a e cal ticnec, palta jab'xoj wal tiempo 'ayn 'eq'ui. Caw tze b'o e b'eyb'al, ya' sb'a 'aynto 'ec' jacx eyet'oc. Toto ma'ay, 'oj somchjc 'el e nab'en. 'Icha junc mach tzb'eyc' 'a q'uic'q'uinal, matz uj yiln 'aj tz'ati, 'ixta 'oj eyaji.

Jeremías 23:12

Yuj cha, an Jehová in, an tzwala to caw q'uic'q'uinl 'oj 'aj sb'e eb', caw n̈elmtac 'oj 'ajoc. 'Oj tenxoc 'at eb', ax stelw eb'. A yic 'oj c'och stiempoal in b'eyc'ojlan eb', 'oj wa' cot yailal yel xo tu 'a yib'n̈ eb'.

A Ch'an̈ B'ab'el Libro Samuel 2:9

Ach tza tan̈wj eb' eco', palta ax eb' maysch'olnil, ata tzcham eb' 'a scal q'uic'q'uinal. Matz tac' qui q'ue'ch yet' qui jelnal 'a mun yol quic on̈.

Jeremías 13:16

A tze na'a, to 'oj jawc sacq'uinal, palta to 'oj wach' q'uic'b'oc si'mb'il yu'uj. Yuj cha, meltzjan̈c 'a Jehová qui Diosalec, tzeyaln q'uet e mul, ya' sb'a mantzac ex telw 'a lum tzalctac yuj q'uic'q'uinl 'oj ya' coti.

Jn 11:10

Palta ax eb' tzb'eyc' 'a 'ac'wal, tzcomn telw eb', yujto may sacq'uinl 'a eb', xchi Jesús.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Mt 7:23

Palta 'oj wal 'ixtc 'a eb': Toxn man̈ ex wojcoc. 'Eln̈ec 'a in tz'ey, yujto cojn maysch'olnil xlaj e b'o', 'oj in chic 'a eb'.

Pr 2:13

atn eb' tz'actn can wach' b'eyb'al, tz'atcn eb' 'a scal maysch'olnil.

Job 18:18

'Oj 'ijxoc 'el 'a scal sacq'uinal, ax sjulx can 'at 'a scal q'uic'q'uinal, 'oj 'ijxoc 'el 'a yolyib'n̈q'uinl tic.

Job 12:25

Toxn̈ej tzmachlj eb' tz'ec' eb', 'icha to q'uic'q'uinl 'aj 'ay eb', toxn̈ej tztectn 'ec' eb' 'icha 'u'm 'an̈.

Job 5:14

Caw wal chimc'ual tzlaj telw 'ejm eb' 'icha to 'ac'wl xo 'ayc' eb'. Toxn̈ej tzlaj smachlc eb' tz'ec' eb'.

1 Jn 2:11

Palta a eb' tzchichn 'och 'a eb' yit creyenteal, q'uic'q'uinl to yaj spixn eb'. 'Icha junc mach tzb'eyc' 'a q'uic'q'uinal, matz yil 'aj tz'ati, 'ixta 'eb', yujto juwnac 'el snab'en eb'.

Salmos 82:5

Palta ax tic, matz nachj 'el eyu'uj, caw may e nab'en; 'icha to a 'a q'uic'q'uinl tzex b'eyi. C'uxn tzsatl tojlal eyu'uj.

Pr 22:5

A 'a yol sb'e eb' maysch'olnil, til wal q'ui'ix yet' ch'an̈ yal 'ay 'ejmi, ax eb' tzya'ilj sb'a, ma'oj can eb' 'a jun tzo'n̈ ch'an̈ yal cha.