Pr 31:30 - Chuj San Sebastian Bible

³⁰ A eb' 'ix 'ix wach' yilx yet' sniwnal, 'ay 'ajtil ton̈j montnub'l yaj eb' 'ix. A swach'l yilx sat eb', yajn̈ej tzjelmj yilxi, palta a 'ix 'ix to 'ay yel'ch Jehová 'a sat, smoj wal to niwn yel'ch 'ix.

Chuj San Mateo Bible

³⁰ A svach'il yilji snivanil junoc ix ix, ay b'aj ton̈ej tzon̈ smontej. Man̈ jantacoc svach'il yilji sat ix, palta junn̈ej rato sq'uexmaj yilji, axo ix ix ay yelc'och Jehová d'a yol sat, smojton val nivan yelc'och ix.

Pr 31:30 Referans Kwoze

Pr 1:7

A eb' tznib'j jeln tz'aji, 'ay cab' yel'ch Jehová 'a sat eb'; a eb' may snab'en, caw matz nib'j eb' yab' jun tzo'n̈ jelnal yet' cuynb'il.

Pr 11:22

A swach'l yilx junc 'ix 'ix may snab'en, lajn 'icha junc q'uen argoya nab'a oro 'aych 'a sn̈i junc no chitam.

A Sb'ab'el Carta San Pedro 1:24

'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Salmos 147:11

palta 'a eb' yiclum tzyutj sb'a 'a 'a, eb' tzya'ch sc'ojl 'a schamc'ojlal yic tzcoln 'el eb', caw 'ay yel'ch eb' 'a 'a.

Pr 6:25

Man̈ a nib'c 'och swach'l yilx 'ix. Man̈ ac' somchjoc a nab'en yuj tas tzach yutj 'ix ach yiln 'ochi.

A Ch'an̈ Schab'l Libro Samuel 14:25

A 'a scal eb' israel, may wal junc mach lajn yilx 'icha Absalón, caw wal wach' yilx sniwnal smasnil. Caw b'inab'il 'a scal eb' 'anma cha, yujto may tas palta 'a sniwnal.

Santiago 1:11

A yic tzjaw c'u, caw 'ay c'ac', tztacj 'ejm lojnjoc te yu'uj, yajn̈ej tzpucl snichte'. Man̈x 'a sch'olnil yilxi. 'Icha stacj 'ejm snichte cha, 'ixta 'oj 'aj eb' rico, yic wan smolb'tzan eb' stumin.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Ro 2:29

Palta a eb' yel 'aych snab'en 'a Dios, atn eb' yel israel 'a sat. Yujto a jun circuncisión yel 'a sat Dios, atn jun 'aych 'a qui nab'en, man̈ yujoc junc ley tz'ib'b'il cani, tz'ajx 'ayon̈, palta a Yespíritu tz'a'n 'ayon̈. Yuj cha, man̈oc eb' 'anma tzon̈ alnec wach'il, palta a cab' Dios tzon̈ alnec wach'il.

Ez 16:15

Palta 'ix ya'ch yipc sc'ojl swach'l yilx cha, caw b'inab'il snani. Yujn̈ej cha, 'ix ya'n 'och sb'a 'ajmulal, tzann̈j mach tzc'och 'a 'a, tzya'n 'och sb'a 'a yol sc'ab'.

Ec 7:18

Wach' tzcutjec qui yamn 'och wan qui b'a 'a jun tzo'n̈ tic, man̈ ca'c sat 'a qui nab'en. Toto 'ay yel'ch Dios 'a qui satec, wach' 'oj quelc c'och yet' jun tzo'n̈ tic.

Salmos 112:1

¡Alx cab' wach' paxti 'a Jehová! A eb' 'ay yel'ch Jehová 'a 'a, caw wach' yic eb', yujto tzalj eb' sb'eylb'an schecnb'il 'aycni.

Pr 11:16

A 'ix 'ix wach' snab'en, caw tz'ijx chan̈ sb'i 'ix, ax win winc amancotan, tzyac' ganar stumin, palta patcab'il 'eli.

Pr 22:4

Toto tzquijec 'ejm qui b'a, yet' 'ay pax yel'ch Jehová 'a qui satec, 'oj qui chac ricoal, 'oj qui b'inaxec, ax yajx najtxb'oc qui q'uinlec.

Pr 31:29

Til wal eb' 'ix 'ix caw wach' sb'eyb'al, palta cojn ach tic, yel xo wal wach' a b'eyb'al 'a yib'n̈ eb' 'ix 'ix smasnil, xchi eb'.

Pr 31:31

Calc wach' paxti 'a 'ix 'a sat smasnil 'anma'; alx cab' wach' paxti 'a 'ix yuj smasnil tas tzb'o'o.