Pr 31:23 - Chuj San Sebastian Bible

²³ A win yichmil 'ix cha, caw wal 'ojcab'il win si'mb'il yuj eb' yajl 'a schon̈ab', 'aych win stz'acb'oc eb' niwc winc 'a yol schon̈b' cha.

Chuj San Mateo Bible

²³ A vin̈ yetb'eyum ix chi', ojtacab'il vin̈ d'a scal eb' vin̈ nivac vinac d'a yol schon̈ab', ayoch vin̈ stz'acub'oc eb' nivac vinac yaj d'a yol schon̈ab' chi'.

Pr 31:23 Referans Kwoze

Pr 12:4

A 'ix 'ix caw wach'n̈j tas tzb'o'o, 'icha wal junc corona yaj 'ix 'a win yichmil, caw tzalj win yet' 'ix. Ax 'ix 'ix tu sb'eyb'al jun, 'icha to 'aych syab'il win yichmil 'ix chi yu'uj, masnto tzc'och yab'n win syal 'a yol sb'acl yuj 'ix.

Rt 4:1

Ax yic 'ix sacb'i, 'ix 'at 'em chotn win Booz 'a sti spuertail chon̈b' 'aj tzyam sb'a eb' 'anma'. Jab'nant cha, 'ix jaw win 'ayt yuj sb'a yet' win Elimelec, atn jun xyal win Booz 'a 'ix Rut. 'Ix yaln win 'a win 'ixtic: —Cotn̈ 'a tic, 'emn̈ wocan, to 'oj qui paxtin jab'oc, xchi win Booz 'a winac. 'Ix syiclni win scoti, 'ix 'em wocn winac.

Dt 16:18

Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

Pr 24:7

A mach may snab'en, caw matz nachj yu'uj tas tzyal 'a yojltac win yajl 'a sdespacho, ton̈j sictac tz'aji, yujto may sjelnal.

Job 29:7

A yic 'ay yamnil tz'och 'a yol chon̈ab', caw wal sayb'il in xila 'aj tzin 'emwocan.

Rt 4:11

'Ix ta'w eb' yichm wincal chon̈b' cha, yet' smasnil eb' 'ayc' cha, 'ix yaln eb' 'ixtic: —Tic tzquila, testigo tzon̈ 'ajcni. Ya' cab' Jehová syaxilal 'a yib'n 'ix 'ix tz'ochcn 'a yol atut cha. Lajn cab' 'oj 'el'chc 'ix 'icha 'ix Raquel yet' 'ix Lea, 'a 'aj cotnn̈c quin̈tl an̈ israel on̈c tic. An̈jtona pax ach tic, niwn cab' tz'aj a b'inax 'a yol yic Efrata yet' 'a Belén.

Dt 21:19

Toto 'ixta tzyutj sb'a win 'unnab'il cha, ax eb' mamb'il cha, tzyij 'at eb' jun yunnal chi 'a sdespacho eb' yichmtac wincal chon̈ab'.

Rt 4:2

Xlajw cha, 'ix yawtn cot win Booz lajn̈wan̈ eb' yichm wincal chon̈ab', 'ix yaln win 'a eb' to tz'em wocn eb' yet' eb'. 'Ix syiclni pax eb' yem wocan.