Pr 31:10 - Chuj San Sebastian Bible

¹⁰ A 'ix 'ix wach' snab'en to c'asan, man̈ comnoc tz'ilchj 'ix; yel xo wal niwn yel'ch 'ix 'a yib'n̈ q'uen q'uen caw chan̈ stojol.

Chuj San Mateo Bible

¹⁰ A junoc ix ix te ay spensar, man̈ comonoc tz'ilchaj ix, yujto ec'to yelc'och ix d'a yichan̈ q'uen q'ueen caro stojol.

Pr 31:10 Referans Kwoze

Pr 19:14

A win winac, tzchaj win yatut mto smacl tumn 'a smam snun; palta ax 'ix 'istzilab'il wach' snab'en, a Jehová a tz'a'n 'ix.

Pr 12:4

A 'ix 'ix caw wach'n̈j tas tzb'o'o, 'icha wal junc corona yaj 'ix 'a win yichmil, caw tzalj win yet' 'ix. Ax 'ix 'ix tu sb'eyb'al jun, 'icha to 'aych syab'il win yichmil 'ix chi yu'uj, masnto tzc'och yab'n win syal 'a yol sb'acl yuj 'ix.

Pr 18:22

A yic tz'och yistzil win winac, tz'ilchj tzaljc'ojlal yu'uj; tzyal 'el'chi to tzchaj swach'c'ojlal Dios.

Pr 3:15

A jelnal cha, yel xo wal 'ec'b'al yel'ch 'a yib'n̈ q'uen q'uen man̈x jantcoc sja'l yilxi, matz tac' slajb'tzax yet' jun tzo'n̈ tas caw wal nib'b'il.

Rt 3:11

Ach 'ix man̈ ach xiwoc, yujto a 'a yol in chon̈b' tic, 'ojcab'ilch xo, to wach' a b'inaxi. Yuj cha, 'oj in b'o smasnil tas wan aln 'ayn tic.

Pr 20:15

Til wal q'uen oro yet' q'uen q'uen chan̈ stojl 'a yolyib'n̈q'uinl tic; palta a junc mach tzpaxtin yet' sjelnal, man̈ comnoc tz'ilchji.

Pr 8:11

Yel xo wal wach' jelnal 'a yib'n̈ jun tzo'n̈ q'uen q'uen chan̈ stojol, yet' 'a yib'n̈ smasnil tas tznib'x 'ochi.

Job 28:18

A jelnal, yel xo wal nib'b'il 'a yib'n̈ q'uen coral; 'ec'b'al yel'ch 'a yib'n̈ q'uen cristal yet' 'a q'uen perla.

Pr 14:1

A 'ix 'ix jeln snab'en, caw tzb'o 'ix yol yatut, ax 'ix may snab'en, ton̈j tzwach' 'a'j lajwc 'ejm yol yatut cha.

Pr 31:11

Caw wal yipc'ojlal yaj 'ix yuj yichmil, may 'aj tzap tas 'ay tz'och yuj 'ix 'a yet'ul.