Pr 30:5 - Chuj San Sebastian Bible

⁵ A Dios a tztan̈wni eb' tz'a'n 'och sc'ojl 'a 'a, smasnil tas 'aj tzyac' sti', smoj wal ca'nec 'och yipc qui c'ojol.

Chuj San Mateo Bible

⁵ A Dios stan̈van eb' syac'och sc'ool d'ay, masanil sti' yac'naccani, smojton cac'anoch yipoc co c'ool.

Pr 30:5 Referans Kwoze

Salmos 18:30

Caw wal wach'n̈j a b'eyb'al Mamin Jehová qui Diosal on̈. A tas alb'il can o'oj, smoj wal ca'n 'och yipc qui c'ojl on̈, tza colcn 'el smasnil eb' to 'aych 'och yipc sc'ojol.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Salmos 12:6

A tas alb'il oj Mamin Jehová, tztac' ca'n 'och yipc qui c'ojl on̈, yujto lajn 'icha q'uen plata si'mb'il yaj stz'a'i, man̈x 'a jac slumal tzcan 'a 'a, uc 'ejm tz'ajx tz'a 'a yol jorna.

Salmos 3:3

Palta wojtac to in Colmal aji, ach tzin ej cha'an̈, tza'n in te'nal.

Salmos 119:140

A jun tzo'n̈ a paxti tic, niwn ton wal yel'ch eb'. Yuj cha, tzin chamc'ojlan eb' an a checb' in tic.

Salmos 91:2

tztac' yaln eb' 'ixtc 'a 'a: Atn wal 'aych wach' qui coln qui b'a, a 'aych wach' qui c'ub'n 'el qui b'a, qui Diosal ach, 'aych 'och yipc qui c'ojol, xchi cab' eb'.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Ro 7:12

A jun ley cha, may jac spaltail. An̈jtona', 'ixta pax smasnil jun tzo'n̈ checnb'il 'ay 'a jun ley cha, caw tojol, caw wach'n̈ej.

Salmos 144:2

In wach'c'ojl yaji, a 'aych wen̈loc, a 'aych wipoc, a colwjum yaj 'ayin; a tzin c'ub'n 'eli, a tzwa'ch yipc in c'ojol. A pax tz'a'n 'och jun tzo'n̈ chon̈b' 'a yaln̈ in checnb'il.

Salmos 19:8

A tas tzyala caw wach'n̈j smasnil, yujto tzyij cot tzaljc'ojlal 'a qui pixnec. A sley caw tojln̈ej yaji, tzjaw qui nab'enec yu'uj.

A Ch'an̈ Schab'l Libro Samuel 22:31

Caw wal wach' sb'eyb'al Jehová Dios; a tas alb'il can yu'uj, smoj wal tzca'ch yipc qui c'ojol. Tzcolcn 'el smasnil mach to a Dios yipc'ojlal yaj yu'uj.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

Pr 2:7

A Jehová tzcolwj 'a eb' wach' snab'en, atn eb' tzb'ey 'a stojlal.

Salmos 18:31

May junc xo Dios, cojxn ach Mamin Jehová. ¿Tom 'ay junc comn dios tztac' on̈ scoln 'icha ach tic?

Pr 29:25

Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.