Pr 30:30 - Chuj San Sebastian Bible

³⁰ Atn no león, caw wal 'ay smay no', toxn matz 'at no 'elc yuj junc 'anma';

Chuj San Mateo Bible

³⁰ Aton noc' choj, yelxo ay smay noc', malaj b'aj tz'el lemnaj noc' d'a anima yed' d'a junocxo tasi.

Pr 30:30 Referans Kwoze

Jueces 14:18

Ax 'a yic wan sq'uic'b' 'a yucl c'ul cha, 'ix 'at eb' filisteo chi 'at yal 'ixtc 'a Sansón: May junc xo tas yel xo wal chi' 'a yib'n̈ no yal chab'. May junc xo tas yel xo wal 'ay yip 'a yib'n̈ no león, xchi ewinac. 'Ix ta'w Sansón 'a eb' 'ixtic: Yujto xe montj eyab' 'a 'ix in q'uixnal tic, yuj cha, sta'n eya'n spac chi 'ayin, toto ma'ay, toxn ma'ix nachj xon 'el eyu'uj, xchi 'a eb'.

Nm 23:24

A jun chon̈b' tic, caw wal tzyij chan̈ sb'a 'icha junc no león caw 'ay smay, matz 'ilj xon jab'oc, masnto tzyil yi'n schib'j cha, tzle'n 'ejm can schic'l tas tzmil cha, xchi Balaam.

A Ch'an̈ Schab'l Libro Samuel 1:23

Ach Saúl yet' 'ach Jonatán, caw chamc'ojlb'ilx wu'uj, caw nib'b'ilx paxi, junn̈j eyec' 'a yic pitzn ex to, junn̈j ex 'aj pax e chami. 'Ec'b'al sjelnal e b'ey 'icha no salt'iw. Yel xo 'ec'b'al eyip 'a e no león.

Pr 30:29

'Ay 'ox macn̈ no noc' caw jeln tzyutj sb'a, ax junx schan̈c'ajil, caw wal matz xiwi:

Pr 30:31

no 'ajtzo', caw tzb'an̈ sb'a no', no mam chiwo tzb'an̈ sb'a pax no', 'ixta pax tzyutj sb'a junc rey, a tzyec b'ab'ljoc sb'a yuj eb' soldado.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Ez 32:2

Ach 'anma', a ticnec b'itnej jun b'it yic chaml tic 'ixtc 'a yib'n̈ win sreyl Egipto: Ach faraón, lajn ach 'icha junc no quelm león 'ay 'a scal jun tzo'n̈ xo nacion̈; lajn ach pax 'icha junc no niwquil noc' 'ay 'a yojl a mar; tzach b'alb'n 'ec' 'a yojl eb' a b'eymal a', ax oc tzma'n tatb'oc a'.