Pr 30:14 - Chuj San Sebastian Bible

¹⁴ 'Ay pax mach matz 'o'ch xon sc'ojl 'a eb' meb'a', caw tz'ixtx eb' yu'uj, tzyi'n can 'ec' tas 'ay 'a eb'.

Chuj San Mateo Bible

¹⁴ Ay eb' malaj jab'oc yoq'uelc'olal d'a eb' meb'a', syixtej val eb' meb'a' chi' eb', syic'anpaxec' eb' tastac ay d'a eb'.

Pr 30:14 Referans Kwoze

Salmos 57:4

Oyn 'och eb' 'ajc'ojl 'ayn 'icha no león tzchin eb' 'anma'. Lajn wal ye eb' 'icha q'uen lanza, lajn pax yet' jun tzo'n̈ jul-lab'; a spaxti eb', lajn yet' q'uen espada caw jay ye.

Salmos 3:7

Mamin Jehová cotn̈ colwjoc wet'oc, coln ach in Diosal. Ach 'oj a ma'lajwc sat eb' 'ajc'ojl yajch 'ayin, ax a ma'n pax 'el ye eb' tzb'on maysch'olnil 'a in patic.

Salmos 14:4

Caw may snab'en eb' tzb'on maysch'olnil, atn eb' tzsatn 'el eb' wit chon̈ab'. 'Icha tz'aj junc tas tzc'uxxi, 'ixta tz'aj eb' yuj eb', matz yal pax sb'a eb' 'a Dios.

Job 29:17

Xwij 'el yopiso eb' 'ixtm 'anma', xin coln eb' 'aych 'a yol sc'ab' eb'.

Apoc 9:8

A xil e no', lajn 'icha xil sjolm 'ix. Ax ye e no', lajn yet' ye no león.

Am 8:4

Tzcham wal e maclni eyab' jun tzo'n̈ paxti tic ex tzeyixtj eb' 'emmquilal yeq'ui, yet' eb' meb'a 'a qui nacion̈ tic.

Ec 4:1

'Ix wa'n 'at in nab'en 'a jantc tz'aj eb' 'anma yixtx 'a yolyib'n̈q'uinl tic. 'Ix wilni to caw wal tz'oc' eb', palta may mach tz'a'n sniwnal sc'ojl eb', yujto a eb' 'ay yopiso cha, a eb' tz'ixtn eb' yit 'anmal cha.

Salmos 58:6

Mamin Jehová, in Diosal ach, 'ij 'el yip eb' 'icha tzyutj eb' 'anma sma'n 'el ye no león.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Habacuc 3:14

A eb' yajl yaj 'a scal eb', mun a syamc'ab' eb' yic owal, a 'ix ac' milnc chamoc yic xjaw lemnjoc eb' cob' wul on̈ satli. Caw 'ix tzalj eb', 'icha junc mach tznib'n milnc cham junc 'oltac 'anma tzc'ub'j 'el sb'a.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Am 2:7

Caw tz'ixtx eb' meb'a yuj eb', man̈ wach'c tzyutj eb' sb'on yaj eb' tz'ixtx cha. Q'uixweltac in b'inax yuj eb', yujto a win mamb'il, yet' win 'unnab'il, junn̈j 'ix 'ix tzmuln ewin yet'oc.

Is 32:7

A eb' 'e'nc 'a yib'an̈, tzyij eb' yip 'a tas cuyb'il yuj 'a stu'al, tznan chan̈ eb' tas tu'. Tz'ixtx eb' meb'a yuj eb', tzyac' eb' 'es 'a eb', tzyixtn paxti eb' junc mach to tznib'j tzb'oyaj sb'a 'a sc'aq'uil.

Pr 28:3

Toto a junc meb'a tz'och yajlil, ax tz'aji caw wal tz'ixtx eb' yit meb'a'il chi yu'uj. A jun cha, lajn wal 'icha junc niwquil yaxn̈ab', c'uxn tzlajw 'el smasnil sat 'awb'en yu'uj.

Pr 22:16

A mach yuj snib'n 'och sb'a ricoal, yuj cha, tzyixtn eb' meb'a', yet' junc mach tz'a'n junc tas 'a eb' rico yic tzmontn eb', a eb' cha, 'oj lajwc 'ejm yuj meb'a'il.

Pr 12:18

A eb' amancotn spaxtini, tzyac' cus eb' sc'ojl yit 'anmal yet' spaxti tzcomn alej, ax eb' wach' snab'en, caw tzniwnc'ojlax eb' 'aych 'a scusc'ojlal yuj spaxti eb' tzyala.

Salmos 52:2

Cojn maysch'olnil tza nib'j a b'o'. A 'a ti', lajn wal 'icha junc cuchlub' caw jay ye, yujto cojn 'es tzala.

Salmos 124:6

¡Calc wach' paxti 'a Jehová! Yujto ma'on̈ ya'c 'a yol sc'ab' eb' 'ajc'ojol yic on̈ satnec 'el eb'.

Pr 30:15

'Ay chawn̈ yune jun no 'u'm chic', tzc'ann̈j e no cotc chi tas tzc'ux 'a junjn rato, palta may tz'aj e no sb'ut'ji. Lajn e no 'icha chan̈e tas to may xon tz'aj sc'och sc'ojol:

Is 3:14

Ata 'oj sb'eyc'ojloc Jehová eb' yichm wincal chon̈ab' yet' eb' 'aych yajlil 'a scal eb', ax yaln 'a eb' 'ixtic: An Jehová in tztac' wuj smasnil, an tzwala: Ax am wal tic xe satl eb' in chon̈ab', 'icha 'awb'en uva, 'ixta yaj eb' 'ayin. Xeyelc'n tas 'ay 'a eb' meb'a', xlaj e c'ub'n 'el 'a yol eyatut.

Job 41:14

¿'Aym junc mach tztac' sjacn sti no', yujto a ye no', yel xo wal 'ay smay yilxi?

Salmos 57:5

Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.

Is 3:15

¿Tas eyaln eyic eyixtn eb' in chon̈b' tic, tzex q'ue chan̈ eyixtn pax eb' meb'a'? xchi Dios.

Is 10:2

Matz e b'o yaj eb' meb'a 'anma', matz e chaj eyab' tas tzyal eb' tz'ixtxi. Caw wal tz'ixtx eb' wit chon̈b' tic eyu'uj, tzlaj eyelc'n tas 'ay 'a eb' 'ix 'ix chamnc yichmil yet' 'a eb' meb'a 'unin.

Ez 22:6

Ax eb' syajlil chon̈ab', yaln̈ej tas yopiso eb', tzyac' eb' yip smilw 'anma'.

Ez 34:3

Ax tic, lajn ex 'icha eb' 'ilm calnelu maysch'olnil: Cojn yu'n eb' yim no calnelu cha, tzb'on eb' spichl yet' slanail no', tzlaj smilnc eb' schi no caw b'aq'uech, palta matz tan̈wj eb' no calnelu 'a 'icha stzolil.