Pr 3:7 - Chuj San Sebastian Bible

⁷ Man̈ a na', chajtlto caw yel xo jeln ach; 'ay cab' yel'ch Jehová 'a a sat, 'ij 'el a b'a 'a scal maysch'olnil.

Chuj San Mateo Bible

⁷ Man̈ a na' to te jelan ach, nivanocab' yelc'och Jehová d'ayach, tziq'uel a b'a d'a scal chucal.

Pr 3:7 Referans Kwoze

Job 28:28

'Ix yaln Dios 'ixtc 'a eb' 'anma': Toto niwn wel'ch 'a e sat, atn jelnal cha; toto tzeyij 'el e b'a 'a scal maysch'olnil, caw 'ay e nab'en tzyal cha, xchi Dios, xchi Job.

Ro 12:16

Junc'ojlal tzlaj cutquec qui b'a qui masnil. Matz tac' qui b'an̈nec qui b'a. Jun tzon̈ 'e'c cab' yet' eb' may yel'ch 'a sat eb' 'anma'. Matz tac' qui nanec, to caw jeln on̈ec.

Pr 26:12

'Ayt wal jacx wach'l 'a eb' may snab'en, 'a yib'n̈ eb' to tzyal jelnal sb'a.

Job 1:1

A 'a yol smacb'en lum Uz, ata 'ay jun winc Job sb'i, caw wal wach' sb'eyb'al may tas tu tzb'o'o, caw 'ay yel'ch Dios 'a sat, matz ya't sb'a 'a scal maysch'olnil.

Pr 16:6

Toto tzqui chamc'ojlejec eb' quit 'anma'il, toto yiclum tzcutjec qui b'a, to 'ixta', tz'ajx niwnc'ojlal qui mulec; toto 'ay yel'ch Jehová 'a qui satec, yajn̈ej tzon̈ 'elc 'a scal maysch'olnil.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Is 5:21

'Oltac wal eb' cob' tzyal jelnal sb'a, caw wach' cob' snab'en eb' chi 'a tzyutj snani.

Pr 14:27

Toto 'ay yel'ch Jehová 'a qui satec, caw 'ay qui q'uinlec, tzon̈ 'ijxec 'el 'a yol sc'ab' chaml yu'uj.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Nehemías 5:15

Palta 'icha eb' gobernador 'e'nc 'a yaln̈taxi, caw wal 'icha 'ictz yaj eb' 'a eb' chon̈ab', junjn c'u tzya'n eb' 40 q'uen tumn plata yuj tas tzc'ux eb', yet' yuj yal uva tzyu'j eb'. An̈jtona', caw wal tz'ixtx eb' chon̈b' yuj eb' schecb' eb'. Palta an xo tic, man̈ 'ixta'oc tzwutej, yujto caw niwn yel'ch Dios 'a in sat.

Ex 20:20

'Ix ta'w Moisés 'ixtc 'a eb': —Man̈ ex xiwoc, ton̈j tzwul ex yac' prowal Dios, yic wach' 'ay e xiwc'ojlal 'a 'a, sec ma'oj laj 'och e mul, xchi.

A Ch'an̈ Schab'l Libro Samuel 12:20

Xyab'n David to x'och chamel, yuj cha, 'ix q'ue wan 'a sat lu'um. 'Ix 'achni, xya'n 'och perjuma 'a 'a. Sjeln spichul, 'ix 'at ya'nc 'emmquilal 'a yol yatut Jehová. Xlajw cha, 'ix japx 'a yatut, sc'ann tas tzc'uxu, 'ix wa'i.

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

Pr 14:16

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.

Pr 23:4

Man̈ eyac' 'ip eyoch ricoal, man̈ ex 'och 'il yuj jun tzo'n̈ cha,

Pr 26:5

'Icha wal spaxtin junc may snab'en cha, 'ixta tzeyutj ta'wc e b'a 'a 'a, smoj yalx 'ixta', sec 'oj yojcoc 'eli to may snab'en.

Pr 28:11

A eb' rico caw jeln snab'en eb' snani, palta ax eb' meb'a to jeln snab'en, tztac' yiln 'och eb' snab'en eb' rico cha.

Pr 28:26

A junc may snab'en, a cob' jac tas yojtac a chi tzya'ch yipc sc'ojol; palta ax junc 'ay snab'en, tzc'anb'j snab'en 'a eb' jelan, a jun cha, wach' 'oj 'el'choc.