Pr 3:24 - Chuj San Sebastian Bible

²⁴ A yic 'oj elji, may junc tas 'aj 'oj a xiwi, caw tzaljc'ojlal 'oj a wayi.

Chuj San Mateo Bible

²⁴ Ayic ol ic'an ip, malaj mach b'aj ol ach xivoc, d'a tzalajc'olal ol ach vayoc.

Pr 3:24 Referans Kwoze

Salmos 3:5

Tzq'uic'b'i, tzin 'e'x can c'otn in wayi, ax yic tzsacb' pax 'eli tz'elx in wayn̈ 'a tzaljc'ojlal. Tzin q'uex wa'an yujto ach tzin a tan̈wej.

Salmos 4:8

Mamin Jehová, a yic tzin 'ec' c'otan, tzaljc'ojlal tzcot in wayan̈, yujto ach 'aychn̈ej 'och wet'oc, yuj cha, may tas tzin 'i'ni.

Pr 6:22

A 'oj e'n b'eyc' 'a 'aj 'oj eq'ui. A 'oj a tan̈wni 'a yic 'oj a waycn 'ejmi, ax yic 'oj 'elx a wayan̈, an̈ja nann̈ej cab' jun tzo'n̈ tic o'oj.

Jeremías 31:26

A yic xlajw wiln jun tzo'n̈ tic, 'ix 'el in wayan̈, in 'ec' q'uel-loc, caw wach' 'aj in way xwab'i.

Job 11:19

'Oj elj 'a tzaljc'ojlal, man̈x 'a mach 'oj a xib'tni. Til pax wal eb' 'anma 'oj jawc 'ayach, ax yoch eb' a wach'c'ojloc.

Lv 26:6

Caw tzaljc'ojlal 'oj e can 'a yol e chon̈ab'. Yelc'ojlal 'oj e wayi, may tas 'oj e xib'tni. 'Oj ex in col 'a no chiwjum noc' yet' 'a yol sc'ab' owal.

Salmos 127:2

May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.

Ez 34:15

An Jehová Yajl in, an tzwala: To an 'oj in tan̈wc eb' in chon̈ab', ax wa'n 'iljoc eb' 'a sat slum cha.

A Tas Sc'ulejnac Eb' Schecab' Jesús Hechos 12:6

Ax 'a jun 'ac'wal, q'ui'noc xoj sch'oxx 'elt Pedro 'a sat eb' 'anma yuj win Herodes snani, waync Pedro 'a snan̈l chawn̈ eb' soldado, jalb'il yet' chab' cadena. Ax 'a sti', 'ayc' pax eb' soldado tztan̈wni te preso cha.

Salmos 112:8

Yojc eb' to te'nn̈ej yaj eb', yuj cha, matz xiw xon eb' jac 'a eb' 'ajc'ojl cha, ton̈j tzewj eb' yuj eb'.

Pr 1:33

Ax xo tze chaj eyab' tas tzwala, 'oj e cann̈j 'a junc'ojlal, may junc tas 'ay smay 'aj 'oj e xiwi, xchi Dios.

Ec 5:12

Toto munljum on̈ec, toxn̈ej niwn tas tzqui c'uxec, mto ma'ay, palta tzon̈ wayc 'a tzaljc'ojlal. Ax toto rico on̈ec, matz on̈ way qui nan yuj tas 'ay 'ayn̈ec.

2 Cr 20:30

Caw 'ay junc'ojlal 'a yol smacb'en Josafat, yujto a Dios x'a'n junc'ojlal 'a snan̈l yet' jun tzo'n̈ xo nacion̈ 'ay 'a stz'ey.

Salmos 3:6

Wach'xam caw niwn eb' soldado tz'och oyn 'ayin, tznib'j eb' yac' owl wet'oc, palta matz in xiw yuj eb'.

Salmos 91:5

Matz on̈ xiwc yuj tas 'ay smay tz'ec' 'a 'ac'wal, matz on̈ xiwc pax yuj jun tzon̈ jul-lab' tzsatn 'el 'anma 'a c'ual.

Pr 19:23

A mach 'ay yel'ch Jehová 'a sat, tzchaj sq'uinl yu'uj; tzaljc'ojlal yaji, may tas 'oj yab' syail.

Is 54:14

A tojlal, a chi 'oj yic' yip 'a scal eb', 'oj colchjoc can 'el eb' 'a yol sc'ab' eb' 'anma tz'ixtn eb', 'oj 'el jun xiwc'ojlal chi 'a scal eb', man̈x 'a tas 'oj xib'tnoc eb'.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Ez 34:27

'Oj ya'x te 'awb'ente sat, til wal sb'al lum lum chi 'oj yac'a', caw junc'ojlal 'oj can eb' 'anma chi 'a sat lu'um. A yic 'oj in coln 'elt eb' 'a yol sc'ab' eb' 'aj 'aych mosoal cha, 'aj to man̈ yico'oc sb'a eb', ax yojcan 'el eb' to an Jehová in, an tzin col eb'.