Pr 3:1 - Chuj San Sebastian Bible

¹ Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,

Chuj San Mateo Bible

¹ Ach vuninal, man̈ ac' sat a c'ool d'a juntzan̈ in c'ayb'ub'al tic. Sic'can in checnab'il tic d'a a pensar,

Pr 3:1 Referans Kwoze

Pr 4:5

'Ij a jelnal yet' a wach' nab'enal, man̈ ac' sat a c'ojl 'a jun tzo'n̈ in cuynb'il tic. Man̈ actc a b'eylb'ani, to 'ixta', may tas 'oj e'ni. Tzaljan̈ yet' jelnal, man̈ a patquilc can 'eli, yu'uj ax a colchj can 'eli.

Salmos 119:16

Caw tzin tzalj yet' jun tzo'n̈ a checnb'il tic. May wal b'a'n̈ 'oj sat in c'ojl 'a a paxti'.

Pr 1:8

Tzyal Salomón 'ixtic: Ach wunnal, maclj wal ab' a cuynb'il tzwac'a, man̈ a patquilc can 'el a cuynb'il tzyac' pax a nun.

Salmos 119:93

May b'a'n̈ 'oj sat in c'ojl 'a jun tzo'n̈ a checnb'il tic; yujn̈ej eb', 'ay in q'uinl o'oj.

Salmos 119:34

'Ac' in nab'en, sec wach' tzwutj in b'eylb'an jun cuynb'il tic; 'oj in yiclc 'a smasnil in c'ojol.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Salmos 119:11

Tzin mol a paxti 'a in nab'en, sec matz 'och in mul 'ayach.

Dt 8:1

'Ix yaln Moisés 'ixtic: Wach' tzeyutj e b'eylb'an jun tzo'n̈ checnb'il wan waln can 'ayx tic, sec wach' 'oj eyel'chi. 'Oj q'uib' e b'isul, ax e cajn lum lum 'aj ya'jnac can Jehová sti ya'n 'a eb' qui mam quichmec.

Salmos 119:153

'Ilt in cot 'a scal in yailal, tzin a colni, yujto ma'ix wac' sat in c'ojl 'a jun tzo'n̈ a cuynb'il tic.

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Salmos 119:176

In satc' 'icha tzyac' junc no calnelu tzsatq'ui, ach xo in a sayq'ui. In 'ilchj o'oj, yuj cha, matz wac' sat in c'ojl 'a jun tzo'n̈ a checnb'il tic.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

Pr 31:5

axta laj x'aji, tz'at satc'ojlal ley eyu'uj. Toq'ue yuj cha, ax eyixtn eb' 'anma 'emmquilal yeq'ui.

Is 51:17

Pitzc 'el 'a e sat ex 'aj Jerusalén, 'ijec pax chan̈ e b'a. A ticnec, tox 'ix 'ec' yowl sc'ojl Jehová 'a eyib'an̈. A eyailal 'ix 'eq'ui, 'icha tz'aj sat sc'ojl eb' 'u'm 'an̈ yuj yan̈ cha, 'ixta ex 'aj yuj eyailal tic.

Ex 20:6

Ax pax eb' tzin chamc'ojlani, eb' tzyiclni in checnb'il, 'oj in chamc'ojloc eb' yet' yin̈tl b'aq'uin̈.

Salmos 91:16

'Oj wac' e q'uinl 'a najtil, ax in ch'oxn in colwal 'ayex, xchi Dios.

Salmos 119:61

'Ix 'och wal oyn eb' 'anma maysch'olnil 'ayin, yic tzin ya'n telwc eb' snani, palta man̈ yujoc cha, 'ix sat in c'ojl 'a tas tzyal a cuynb'il.

Pr 2:1

Ach wunnal, 'a'ch jun tzo'n̈ in paxti tic 'a a c'ojol, tza moln can jun in checnb'il tic 'a a nab'en.

Pr 4:2

A cuynb'il wach' tzwal 'ayex, caw wal tzeya'ilej.

Pr 16:31

A mach sacx sjolom, 'icha to scorona yaj jun cha, atn chi tzyac' ganar yuj swach' b'eyb'al.

Pr 23:26

Ex wunnal, macljec wal eyab' tas tzwala, si'mb'il tzex 'och q'ueln 'a in b'eyb'al,

Dt 5:16

'Ay cab' yel'ch e mam e nun 'a e sat, 'icha wal yaj waln 'ayex, sec 'oj najtxb'oc e q'uinl 'a sat lum lum 'oj wac' eyico'oc yic wach' 'oj eyel'chi.

Dt 5:33

A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.

Pr 4:21

Man̈ ac' sat a c'ojl 'a 'a, to tza molcn wal 'a a nab'en,

Pr 8:1

'Ab'tec, tzex 'awtxi yic tzeyi'n e jelnal, sec tzq'uib' e nab'en.

Pr 9:1

'Icha waychil xwutj wiln jun 'ix, sb'o 'ix jun yatut, caw wach' yilx x'aj yu'uj, xya'n 'och uque yoyal.