Pr 29:4 - Chuj San Sebastian Bible

⁴ A junc yajl wach' tzyutj sb'eyc'ojlwi, caw wach' yaj schon̈b' cha; palta a junc yajl cojn c'anj 'el tumn tzb'o'o, caw wal tzlajw 'ejm jun chon̈b' chi yu'uj.

Chuj San Mateo Bible

⁴ A eb' rey sch'olb'itan junoc tas d'a stojolal, te vach' yaj schon̈ab' eb'. Axo pax eb' rey an̈ej tumin sc'anel jun, satel schon̈ab' eb' chi' yuuj.

Pr 29:4 Referans Kwoze

Pr 29:14

A junc yajl wach' tzyutj sb'onyaj eb' meb'a', caw wach' yaj 'a yopiso chi 'a smasnil tiempo.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Dn 11:20

Chucx junx rey 'oj 'ochx can sjeloc. A jun cha, 'oj schecb't jun mach 'oj c'annc 'el jun tzo'n̈ tojlb'al, yic tzq'ue'ch yet' yopiso chi snani. Palta jayenant c'u yoch 'a yopiso cha, ax schami, palta man̈oc 'a scal owl 'oj chamoc, may 'anma 'oj 'ilnc schami.

Pr 20:8

A yic tz'em wocn junc rey 'a sdespacho sb'eyc'ojlwi, colb'iln̈ej ton̈j tz'och q'ueln 'a junc cha, tzb'oyaj jun tu chi yuj muc'uc.

Is 49:8

A Jehová a tzaln 'ixtic: 'Ix c'och stiempoal in ch'oxn in wach'c'ojlal, yic tzin pacn tas tza c'an 'ayin. Xc'och stiempoal wa'n a colnb'il, yuj a'n 'el'choc in trato yet' eb' in chon̈ab'. Tza b'on pax in chon̈b' 'a 'icha xon yaji, sec wach' tzyij pax eb' israel chi smacl 'a lum lum sictac 'ajnc can sat.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Pr 16:12

A eb' rey, man̈ smojc sb'on eb' tas to man̈ tojloc, yujto a tojlal, a chi 'aych yipc yopiso eb'.

Pr 8:15

Yuj sjelnal eb' rey, tzya'n eb' yajlil, ax yic tzya'n eb' yajlil cha, a ley tojol, a tzc'anlb'ej eb'.

Salmos 99:4

Ach tic Mamin, Rey ach, tztac' oj smasnil, 'ay a chamc'ojlal 'a tas wach'. A tas wach' yet' tojlal, a chi xac' 'ayn̈ an̈ yin̈tl on̈ Jacob tic.

Salmos 89:14

A a despacho caw te'n yaj yuj tojlal yet' yuj wach'il. Ata tzcheclj 'el a chamc'ojlal to yel tz'el'ch tas tzala.

2 Cr 9:8

Alx cab' wach' paxti 'a Jehová a Diosal to caw tzalj et'oc, yuj cha, ach ya'n 'och reyl sjeloc. Yuj schamc'ojlal 'a chon̈b' Israel tic, yic tzb'inax sb'i 'a smasnil tiempo, yuj cha, ach ya'n 'och reyal, sec wach' tzac' reyl 'a swach'il yet' 'a stojlal, xchi 'ix.

A Ch'an̈ B'ab'el Libro Yic Yab'ixal Eb' Rey 2:12

A Salomón 'ix 'ochcn reyl sjelc rey David, atn smam. Caw te'n yutjnac sb'a 'a yopiso cha.

A Ch'an̈ Schab'l Libro Samuel 8:15

A David 'ix yac' reyl 'a yib'n̈ smasnil eb' yit israelal, wal 'a stojlal, yet' 'a swach'il. Wach' xyutj ya'n yopiso 'a yol schon̈ab'.

A Ch'an̈ B'ab'el Libro Samuel 13:13

Yuj cha, xyaln Samuel 'a Saúl 'ixtic: —¡Yuj a man̈ nab'enal 'ix a b'on jun tic! Ma'ix a yiclj tas xyal Jehová qui Diosalec 'ayach. Al to ma'ay, ach ya'cn 'och Jehová reyl 'a scal eb' quit israelal tic 'a jun 'ejmn̈ej.

Job 11:6

Tzach sch'oxn 'a jun tzo'n̈ jelnal c'ultac yaji, atn jun tzo'n̈ caw 'ajltac snachj 'eli. Toto 'ixta', 'oj ojcoc 'eli, to mantzac yac' Dios a yailal 'icha wal tas smoj a chani.

Pr 14:34

A junc nacion̈ 'aj tzb'eylb'ax tojlal, caw 'oj 'ijxoc cha'an̈; palta ax junc nacion̈ 'aj tzb'eylb'ax maysch'olnil, caw 'oj q'uixw can 'eli.

Pr 16:10

A junc win rey, schecb' Dios yaj winac, yuj cha, man̈ smojc yaln win tas to matz chaj sb'a yet' tojlal.