Pr 29:15 - Chuj San Sebastian Bible

¹⁵ A mach tzyab' syail yic tz'ajx cuenta, 'oj jawc snab'en, ax junc 'unnab'il matz 'ajx cuenta, tzyac' sq'uixwloc snun.

Chuj San Mateo Bible

¹⁵ A eb' tz'ab'an syail yuj scachji, sc'ayb'aj eb' yuuj, palta a eb' uninab'il max cachchaj jun, syac' q'uixvelal smam snun eb'.

Pr 29:15 Referans Kwoze

Pr 17:25

A junc 'unnab'il tu snab'en, ton̈j tzuntzj cot yowl sc'ojl smam snun, tzya'n cus sc'ojl eb'.

Pr 29:17

'A'c cuenta eb' eyunnal, sec 'ay e junc'ojlal yuj eb', to 'ixta', tzaljc'ojlaln̈ej eyico'.

Pr 13:24

A mach may schamc'ojlal 'a yunnal, matz yac' cuenta yunnal cha; ax mach 'ay schamc'ojlal 'a yunnal, caw wal tzyac' cuenta yunnal chi 'a yic yune'al.

Pr 10:1

A jun tzo'n̈ tic spaxti Salomón: A junc 'unnab'il 'ay snab'en, tzyac' tzaljb'oc sc'ojl smam snun, palta ax eb' may snab'en, caw tzyac' eb' cus sc'ojl sman snun cha.

Pr 22:6

Cuyc eb' 'unn 'a wach' b'eyb'al, sec ax yic 'oj 'och eb' 'ichm 'anma'il, ma'oj yi'l eb' snab'en 'a jun cuynb'il tic.

Pr 22:15

A man̈ nab'enal 'aychn̈ej 'a eb' 'unin, ax yic tzma'x eb' yet' jixc'ab'te', tz'el jun chi 'a eb'.

Pr 17:21

A mach tu snab'en, caw wal may stzaljc'ojlal smam yu'uj, cojn cusc'ojlal tzyij coti.

Pr 10:5

A eb' 'ay snab'en, caw tzmolb'tzej eb' sat yawb'en 'a yic stiempoal, ax eb' cojn wayn̈ tzb'o 'a yic stiempoal smolb'tzax sat 'awb'en cha, caw tzyac' eb' sq'uixwloc smam.

A Ch'an̈ B'ab'el Libro Yic Yab'ixal Eb' Rey 1:6

Yictax 'ix q'uib' cha'an̈, may jun 'ejmoc 'ix 'ajxcuenta yuj smam, ma'ix sc'anb'j xon yab'i', tas yuj 'ixta tzyutj sb'a cha. Caw wal wach' yilx Adonías cha, a b'ab'l winc x'ajx can 'a scal eb' yunnal David yujto chamnc Absalón.

Pr 29:21

A mach matz tzcuy junc schecb' 'a yic yune'al, ax 'a slajub' 'oj yab' syal yu'uj.

Pr 19:18

'Ac' cuenta eb' onnal ya' sb'a cotc to eb', to ma'ay, wan a'n can 'at eb' 'a yol sc'ab' chamel.