Pr 28:5 - Chuj San Sebastian Bible

⁵ A eb' 'anma maysch'olnil, toc tznachj 'el tas tojl yuj eb', ax pax eb' tzya'ch sb'a yico'oc Jehová, tznachj 'el yuj eb'.

Chuj San Mateo Bible

⁵ A eb' chuc spensar, max nachajel-laj tojolal yuj eb'. Axo pax eb' syal sb'a d'a Jehová jun, snachajel yuj eb'.

Pr 28:5 Referans Kwoze

1 Jn 2:27

A Jesucristo 'a'jnac Yespíritu 'ayn̈ junjn on̈ec. Yuj cha, man̈ yowlalc chuct junc 'anma tzon̈ cuynec, yujto a Yespíritu tzon̈ cuynec 'a smasnil tas. A jun tzo'n̈ cuynb'il tzyac' 'ayn̈ec, caw yel, may junc 'es 'aych 'a scal. Yuj cha, yowlal junn̈j tzon̈ 'ajc yet' Cristo, yujto 'ixta yaj yaln Yespíritu 'ayn̈ec.

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

1 Jn 2:20

Palta a Cristo 'a'jnac Yespíritu Dios 'ayx quet' on̈. Yuj cha, cojquec qui masnil jun cuynb'il caw yel.

Salmos 92:6

A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.

Jn 7:17

Toto 'ay mach tzyal sc'ojl tzb'o 'icha tznib'j Dios, 'oj nachjoc 'el yu'uj, to yic Dios jun tzo'n̈ cuynb'il tic, man̈ munoc tzwal 'a yol wico'.

Pr 24:7

A mach may snab'en, caw matz nachj yu'uj tas tzyal 'a yojltac win yajl 'a sdespacho, ton̈j sictac tz'aji, yujto may sjelnal.

Pr 15:24

A jun b'e yic q'uinal, 'ixtc tzq'ue'i, yuj cha, a eb' jelan, matz 'ejm eb' 'a jun b'e yic chamel.

Salmos 119:100

'Ec'b'al tas xnachj 'el wuj 'a yib'n̈ eb' 'ichmtac winac, yujto tzin yiclj jun tzo'n̈ a checnb'il tic.

Salmos 25:14

A eb' a wach'c'ojl a b'a yet'oc, atn eb' 'ay xiwc'ojlal 'ayach, tzac' pax 'el'choc a trato 'a eb'.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Pr 2:9

Toto tza chaj ab' in checnb'il, 'oj a b'eylb'oc tojlal, wach'il yet' wach' b'eyb'al.

Is 6:9

'Ix yaln 'ayin: 'Ixic, 'at al 'a jun tzo'n̈ eb' 'anma chi 'ixtic: Tzcob' eyab' tas tzalxi, palta matz nachj 'el eyu'uj, tzcob' eyila', palta matz eyojquej 'eli tas jun cha, xa chi 'a eb'.

Is 44:18

A wal jun tzo'n̈ 'anma 'ixta tzb'o cha, caw may snab'en eb'. Matz nachj 'el jac yuj eb', 'icha to matz uj yiln eb'.

Salmos 119:98

A jun tzo'n̈ a checnb'il tic, a eb' x'a'n sjelnal in nab'en 'a yib'n̈ eb' 'ajc'ojl yajch 'ayin, yujto 'ayc' eb' 'a in nab'en.

Is 1:3

A no wacax yojc no yajal, yet' no b'uru yojc no 'aj tz'ajx wa yuj mach 'ay yico'. Palta ax in chon̈b' Israel, toxn man̈ jac tznachj 'el yu'uj toto wico', 'icha to may xon snab'en, xchi.

Am 3:10

A Jehová a tzaln 'ixtic: Caw man̈ yojcoc eb' sb'on jac tas tojol. A 'a yol yatut eb', ata molb'il tas ton̈j tzyij 'ec' eb' 'a eb' 'anma', xchi.