Pr 26:27 - Chuj San Sebastian Bible

²⁷ A mach tzjoyn junc jul, mun a 'oj 'atcn 'a yojol; a junc tzecn 'at junc q'uen 'a yib'n̈ junc 'anma', an̈jtona', q'uen 'oj cot pax 'a yib'an̈.

Chuj San Mateo Bible

²⁷ A eb' sjoyan junoc olan yic yaal, an̈eja' eb' ol b'at d'a jun olan chi'. A eb' tz'ecanb'at junoc q'uen q'ueen d'a yib'an̈ junoc anima, an̈eja' q'ueen ol cotpax d'a yib'an̈ eb'.

Pr 26:27 Referans Kwoze

Pr 28:10

A mach tz'i'n 'at eb' 'anma wach' sb'eyb'al 'a maysch'olnil, a jun cha, mun a 'oj can 'a jun sch'an̈ yal tzb'o 'ejm cha, ax junc tojl snab'en, 'oj scha wach'il.

Salmos 9:15

A eb' 'anma 'a jun tzo'n̈ chuc nacion̈al, 'ix laj telw can 'ejm eb' 'a yol jun tzo'n̈ jul mun xlaj sb'o'. Mun a 'a yoc eb' 'aj xlaj can sut'n sch'an̈ yal eb' xlaj sc'ultac 'a'j 'ejm cha.

Salmos 10:2

A eb' tzb'on maysch'olnil caw tzyij chan̈ sb'a eb', tz'och eb' 'ajc'ojlal 'a eb' 'emmquilal yeq'ui; palta mun a eb' 'oj syaloc sb'a yet' jun sch'an̈ yal tzb'o cha.

Ec 10:8

A eb' tzb'on junc xab', 'ay smay mun a eb' tz'atcn 'a yojol. Ax eb' tzxuyn 'ejm junc muro, 'ay smay a no chan tzchin eb'.

Salmos 57:6

A eb' 'ajc'ojl yajch 'ayin, xyac' 'ejm eb' ch'an̈ yal 'a wojltac, caw tztac in c'ojl yuj eb'. 'Ix sjoyn eb' jun jul 'a wojltac, palta mun a eb' xtelw can 'at 'a yojol.

Ester 7:10

'Ix slocn q'ue eb' win Amán 'a te 'oy ya'jnac b'o yuj Mardoqueo. 'Ixta x'aj sicb' yowl sc'ojl win rey cha.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Pr 5:22

A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.

Is 3:8

Man̈x 'a swach'l yilx Jerusalén, ax Judá 'oj sat 'ejmi, yujto a tas tzyal eb' 'anma', yet' tas tz'el sb'on eb', a chi tz'och 'ajc'ojlal 'a Jehová. Atn jun tzo'n̈ chi tzuntzn cot yowal.

Is 3:11

'Oltac wal eb' 'anma tu snab'en, a maysch'olnil 'oj scha sb'a eb' yet'oc, a tas sb'ojnac eb', a chi 'oj 'ajxoc spacc 'a eb'.