Pr 26:21 - Chuj San Sebastian Bible

²¹ 'Icha tz'aj schacb' pax te stzac'ac' yic tz'ochx sc'atztzil, tzn̈ilchj pax cha'an̈, 'ixta tz'aj sq'ue wan owl 'a scal 'anma yuj junc mach cojn owl tz'ec' say sb'o'.

Chuj San Mateo Bible

²¹ A te' ac'al tz'och tzac'aq'uil, axo te' c'atzitz tz'ac'an ovaj te' c'ac', icha chi' tz'aj sq'ue vaan oval yuj eb' sayum oval tz'eq'ui.

Pr 26:21 Referans Kwoze

Pr 29:22

A mach ow tzyutj sb'a, tzyij chan̈ owl 'a scal 'anma'; a mach c'un scot yowal, 'ay tas man̈ wach'c tzb'o 'a scal 'anma'.

Pr 15:18

Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.

Pr 30:33

A yic si'mb'il tzma'x scalc sb'a no lech, axta tz'elt can no mantequilla; toto tzqui b'an qui n̈i', ax tz'aji tzcot schiq'uil; toto tzqui tzuntzj junc mach, ax tz'aji owl xo tz'aj slajw 'el'chi, xchi win Agur.

Pr 10:12

A eb' 'ay schichnc'ojlal, caw tzsay eb' tas tz'aj spitzw chan̈ owal, ax eb' 'ay schamc'ojlal, tzya'n̈j eb' niwnc'ojlal yuj tas tz'aj yixtxi.

Salmos 120:4

A tas 'oj jawc 'a eyib'an̈, atn yailal 'icha junc jul-lab' tzc'anx 'a owal, caw jay, tzn̈ilchj sc'a'l 'a ye cha.

A Ch'an̈ B'ab'el Libro Yic Yab'ixal Eb' Rey 12:20

A yic xyab'n eb' israel, chajtlto a Jeroboam tox 'ix japx cajn 'a yol schon̈b' eb' yit israelal, x'at ya'nc eb' 'awtxoc coti, yic tzch'oxn sb'a 'a sat eb' chon̈ab'. Xlajw cha, 'ix ya'n 'och eb' sreyloc. Cojxn eb' yin̈tl Judá 'ix can yet' Roboam, win yin̈tl David.

A Ch'an̈ Schab'l Libro Samuel 20:1

'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.