Pr 25:25 - Chuj San Sebastian Bible

²⁵ 'Icha wal sja'l yu'x a sicla 'a yic 'ay qui tacn̈tilec, 'ixta wal sja'l yab'x junc wach' 'ab'x tzcot 'a najat.

Chuj San Mateo Bible

²⁵ Icha a siquil a' scuq'uej ayic van stacji co ti', icha chi' tz'aj sjavi junoc ab'ix vach' scot d'a najat.

Pr 25:25 Referans Kwoze

Pr 15:30

A mach tzewji, tzon̈ tzaljec chan̈ yu'uj; a junc wach' 'ab'ix, caw tz'och quipc yuj tzcab'i.

Ro 10:15

¿Tas 'oj yutc eb' 'at yalnc 'el wach' 'ab'ix, toto may mach tzchecn 'at eb'? Yuj cha, tzyaln pax 'a Ch'an̈ Un̈ chi 'ixtic: Til wal sja'l yilxi yic tzjaw junc win alm 'ab'ix, junc 'et'jnac wach' 'ab'ix, [atn yab'xil junc'ojlal], xchi.

Salmos 63:1

Ach in Diosal, tzin nib'j tzwal in b'a 'aych 'a caw sq'uin̈b'ilto. Caw tzach in nib'j 'icha tzyac' lum tacn̈ lu'um yic tznib'n lum n̈ab'.

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.

Nahúm 1:15

Ex 'aj Judá, 'iltec, sjaw win alm 'el 'ab'x yic junc'ojlal 'a sjolm eb' lum tzalan. 'A'c 'och e q'uin̈, 'a'c 'el'choc 'aj eya'jnac can e ti'. Man̈x 'a b'a'n̈ 'oj ex yixtc eb' tu snab'en, tox 'ix lajw 'el eb' 'a jun 'ejmn̈ej.

1 Ti 1:15

'Ay jun tas 'oj wala', caw yel. Smoj tzqui chaj cab'i'. Wulnc 'ec' Cristo Jesús 'a yolyib'n̈q'uinl tic, yic wul scolnc 'el eb' 'ajmul. An tic, yel xo wal 'ec'b'al 'ajmul in 'a yib'n̈ smasnil 'anma'.

Jn 7:37

A wal 'a yol slajw q'uin̈, ata caw sin̈n̈i tz'aj eb' 'anma'. Yuj cha, at 'a yol slajw q'uin̈ cha, atta 'ix q'ue lin̈n Jesús 'a sat eb'. Caw 'ip 'ix yal 'elt 'a scal eb' 'ixtic: —Toto 'ayx tze nib'j tze chaj e q'uinl 'a jun 'ejmn̈ej, cotn̈ec 'ayin. 'Icha tzeyutj ey'un a yuj e tacn̈ti'al, 'ixta 'oj e yutc e chan jun e q'uinl chi 'ayin.

Jeremías 18:14

¿Tom 'ay 'aj ton̈j tzsat chan̈ q'uen sacb'acm 'a sat q'uen niwc q'uen 'ay 'a lum Líbano? ¿Tom tztac' stup chan̈ a a caw sic tzcot 'a lum jolmctac witz?

Is 55:1

Xyaln pax Dios 'ixtic: E masnil ax 'ay e tacn̈ti'al, cotn̈ec wul 'u'jec a', ax may e tumin cotn̈ec 'a tic, wul chajec tas tze c'ux 'a nab'an̈ej, wul chajec yal uva yet' lech tzeyuq'uej, may stojl tzc'anx 'ayex.

Is 52:7

Til wal sja'l yilxi yic tzjaw junc win alm 'ab'x 'a eb' lum tzalctac, junc 'et'jnac wach' 'ab'ix, atn yab'xil junc'ojlal, tzyaln 'el yab'xil colnb'il yic tz'el eb' 'anma 'a libre, tzyaln 'ixtc 'a yib'n̈ eb' 'aj Sión: A 'e Diosal x'och reyal, xchi.

A Ch'an̈ Schab'l Libro Samuel 23:15

A yic cha, 'ix yaln David tas tznib'j sc'ojol, 'ix yaln 'ixtic: ¡Comnoc 'ay mach tz'a'n wuc' jac a c'ob'a', a 'ay 'a sti spuertail Belén! xchi.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

Ex 17:6

'Oj ach in tan̈wc 'a sjolm q'uen tenm 'a lum tzaln Horeb. Ax yic tzach c'ochi, tza ma'n 'och te a c'occh chi 'a sat q'ue'en, ax yel-l a a chi 'a sat q'uen q'uen cha, 'ixta 'oj 'aj yu'n eb' 'anma tic a', xchi Dios. 'Ixta 'ix yutj Moisés sb'on 'a yojltac ewin yichm wincal chon̈b' Israel cha.

Pr 25:26

A junc mach wach' sb'eyb'al tzyac' 'ijxc 'at sb'a yuj eb' maysch'olnil sb'eyb'al, lajn wal 'icha junc a spac'b'a caw tat yilx yuj lu'um.

Gn 45:27

At yic xyaln ewin smasnil tas xyal win José cha, yet' yic xyiln 'och win Jacob jun tzo'n̈ caruaje xjaw yuj ewinac, 'a 'aj tzyac' José 'ijxoc 'at smam cha, 'ixta x'aj stzalj pax chan̈ winac.

Josué 22:33

caw wach' xyab' eb'. Yuj cha, xyaln eb' wach' paxti 'a Dios. Ye'xn̈ej cha, man̈x 'ic sna chan̈ eb' chon̈b' chi ya'n owl yet' eb' yin̈tl Rubén yet' eb' yin̈tl Gad yic tzsatx 'el slum eb' yet'oc.