Pr 25:14 - Chuj San Sebastian Bible

¹⁴ 'Icha tacn̈ 'asun, 'icha tacn̈ 'ic' may sn̈ab'il, 'ixta junc mach tzcob' sb'an̈ sb'a ya'n junc tas, ax tz'aji, may xon jac tas tzyac'a.

Chuj San Mateo Bible

¹⁴ Icha taquin̈ asun yed' taquin̈ ic' malaj jab'oc sn̈ab'il, icha chi' yaj eb' syic'chaan̈ sb'a d'a tas syac' yalani, palta malaj b'aq'uin̈ syac' eb'.

Pr 25:14 Referans Kwoze

Pr 20:6

Til wal eb' tzalni to 'ayn̈j schamc'ojlal eb' 'ayn̈ec, palta jaywn̈ej eb' tztac' ca'nec 'och yipc qui c'ojol.

Lc 14:11

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.

2 Co 11:31

A Dios, atn Smam Cajlil Jesús, smasnil tiempo smoj tzalx wach' paxti 'a 'a. A 'ojtnac, chajtlto caw yel tzwala.

A Ch'an̈ B'ab'el Libro Yic Yab'ixal Eb' Rey 22:11

Ax win Sedequías, win yunnal Quenaana, 'ix sb'o win jun tzo'n̈ q'ue'en, 'icha sch'ac wacx 'ix 'aji. Caw 'ip 'ix 'awj cha'an̈, 'ix yaln 'ixtic: 'Ixtc wal xyutj Jehová yalni: A jun tzo'n̈ yechl sch'ac wacx tic, tzyal el'chi to a ep 'oj 'a'nc ganar eb' 'aj Siria, masnto 'oj a satl eb' smasnil, xchi 'a win rey cha.

Jeremías 5:13

A eb' schecb' Dios cha, caw may yel'ch tas tzyal eb', man̈oc spaxti Dios tzyal eb', xchi eb'. Palta a Jehová Dios, jun tzta'n̈j yuj smasnil, a 'ix aln 'ayn 'ixtic: Yujn̈ej to 'ix yal eb' jun tzo'n̈ paxti cha, yuj cha, 'ixtc wal tas 'oj jawc 'a yib'n̈ eb'. A 'in paxti 'oj 'eltoc 'a a ti', lajn 'oj wutc 'icha te c'ac', ax eb' chon̈b' tic, lajn 'oj 'aj eb' 'icha te c'atzitz. Ax jun c'ac' chi 'oj 'a'nc lajwc 'ejm eb' smasnil, xchi Dios.

Miqueas 2:11

Ax tic, a junc checb' to caw wal 'a'm 'es, a tze nib'ej, atn junc mach tzaln 'eli chajtlto caw niwn eyal uva yet' eyan̈ 'oj eyic'.