Pr 24:23 - Chuj San Sebastian Bible

²³ An̈jtona pax jun tzo'n̈ xo tic, a eb' 'ay snab'en 'ix aln cani: Caw man̈ wach'oc toto chucchc yilx eb' 'anma 'a sat win yajal yic tzb'onyaj win eb'.

Chuj San Mateo Bible

²³ An̈ejton pax a' juntzan̈xo tic ix yalcan eb' jelan spensar: Yelxo man̈ vach'oc tato man̈ lajanoc syutej eb' juez sb'oan yaj eb' anima.

Pr 24:23 Referans Kwoze

Pr 28:21

Man̈ wach'oc toto chucchc yilx 'anma 'a sat junc yajal, palta 'ay 'ajtil tzmontchj junc yajl chi yuj jac tas tz'ajx 'a 'a.

Pr 18:5

Man̈ wach'oc toto a eb' 'ay smul, a eb' tz'ajx niwnc'ojlal yuj eb' juez, ax eb' may smul, matz chax 'ab'xc tas tzyal eb'.

Salmos 107:43

A eb' jeln snab'en, smolcn cab' eb' jun tzo'n̈ tic 'a snab'en, sec 'oj yojcoc 'el eb' to caw niwn schamc'ojlal Jehová 'a eb'.

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Jn 7:24

Ax tic, man̈ e comn b'eyc'ojloc junc mach 'a 'ichn̈j ta'. Toto 'ay mach tze b'eyc'ojlej, caw wach'n̈j tzeyutj e b'eyc'ojlani, xchi Jesús 'a eb'.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Pr 1:6

A jun tzo'n̈ paxti tic, tzcolwji yic tznachj 'el sc'ultac paxti eb' jelan, yet' jun tzo'n̈ spaxti eb' caw 'ajltac snachj 'eli.

2 Cr 19:7

Yuj cha, caw niwn cab' yel'ch Jehová 'a e sat, tzcham eyiln tas 'oj e b'o', yujto a Jehová qui Diosalec, ma'oj techjc yu'uj, yic 'oj yilnc 'och tas man̈ stojlalc 'oj e b'o', yet' pax yic to 'ay sjelpal 'anma 'a e sat, yic tze chan tumn 'a c'ultaquil, xchi 'a eb'.

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Dt 1:17

A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.

Pr 22:17

Sictac tzex 'aj e maclni eyab' jun tzo'n̈ tic, tzcham wal e cuyn cani. 'Oj ex in cuy 'a tas yaljnac can eb' jeln snab'en.

Job 13:8

¿Tom 'oj stac' eya'n e b'a yuj Dios, yic tzcob' eya'lnoc e colni?