Pr 23:6 - Chuj San Sebastian Bible

⁶ Man̈ ex wa 'a smexa eb' b'as, man̈ e nib'c 'och swach'il tas tzc'ux eb',

Chuj San Mateo Bible

⁶ Man̈ ex em c'ojan d'a smexa eb' ya yel yuuj, man̈ e nib'ejoch svael eb' te vach'.

Pr 23:6 Referans Kwoze

Pr 23:3

Man̈ yelc'ojlaloc tze c'ux tas wach' cha, yujto lemb'il ton̈j tzex yixtj paxti eb' cha.

Salmos 141:4

'Ac' wi'l in nab'en 'a tas maysch'olnil, man̈ in a chaj 'at 'a scal b'eyb'al to maysch'olnil, yet' 'a tas man̈ wach'c tzc'ux eb' tzb'on maysch'olnil 'a sq'uin̈.

Dt 15:9

Man̈ e na jun man̈ nab'enal tic 'ixtic: Jab'xoj sjaw jun yucl ab'il yic tz'ajx niwnc'ojlal smasnil b'oc, xe chi ta, xe jut e sat 'a junc quit chon̈b' to meb'a cha, majt eyac' junc chi smajnoc. Toto ma'oj eyac'a', 'oj q'ue yaw 'a Jehová eyu'uj, ax yoch jun chi e muloc.

Mt 20:15

Yujto an 'ay waln wic wa'n in tumn 'icha tzin nib'ej. Matz tac' a chichn 'och 'ayin, yujto wach' tzwutj in b'a 'a junc xo mach, xchi winac. 'Ixta tzyal jun 'ab'x tic.

Pr 28:22

A mach tznib'j 'och sb'a ricoal 'a yajn̈ej, man̈ yojcoc toto 'oj jawc meb'a'il 'a yib'an̈.

Pr 22:9

A mach 'ela 'a yit 'anma'il, 'oj scha wach'il, yujto tzpojc' tas tzc'ux 'a scal eb' meb'a'.

Dt 28:56

An̈jtona pax 'ix 'ix caw wach' snab'en, 'ix tz'oc' sc'ojl 'a junc xo mach; matz nib'j xon tztec' jac lu'um, 'aychn̈ej xan̈ab' tz'eq'ui, caw tu 'oj yutc 'ix yiln 'och win yichmil, atn jun caw chamc'ojlb'il yuj cob'i', yet' 'a eb' yune'.

Mr 7:22

'ay eb' tz'e'lc'wi, 'ay eb' tznib'n 'och tas 'ay 'a junc xo 'anma', 'ay eb' maysch'olnil tzyutj sb'a, 'ay eb' tzyac' 'es, 'ay eb' may sq'uixwel scomn b'on junc tas. 'Ay eb' tzchichn 'och 'a junc mach yuj tas 'ay 'a 'a, 'ay eb' tzcomn b'uchwji, 'ay eb' tzb'an̈ sb'a, 'ay pax eb' maysch'olnil snab'en.