Pr 23:4 - Chuj San Sebastian Bible

⁴ Man̈ eyac' 'ip eyoch ricoal, man̈ ex 'och 'il yuj jun tzo'n̈ cha,

Chuj San Mateo Bible

⁴ Man̈ eyac' eyip eyoch b'eyumal, man̈ ex och ilc'olal yuj juntzan̈ chi'.

Pr 23:4 Referans Kwoze

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.

Pr 28:20

A mach wach' snab'en, 'oj 'ijxoc cha'an̈; ax junc to tznib'j tz'och ricoal muc'uc, 'oj yab' sya'il.

Mt 6:19

Man̈ qui molb'tzoquec qui ricoal 'a yolyib'n̈q'uinl tic. A jun tzo'n̈ cha, tzlajw yuj no 'ij, tzc'uxmaxi, tz'och eb' 'elc'm 'a 'a.

Pr 3:5

Yet' wal smasnil a c'ojol, tza'n 'och a nab'en 'a Jehová, man̈ a'ch a jelnal yipc a c'ojol.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

Ro 12:16

Junc'ojlal tzlaj cutquec qui b'a qui masnil. Matz tac' qui b'an̈nec qui b'a. Jun tzon̈ 'e'c cab' yet' eb' may yel'ch 'a sat eb' 'anma'. Matz tac' qui nanec, to caw jeln on̈ec.

Pr 15:27

A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.

Pr 26:12

'Ayt wal jacx wach'l 'a eb' may snab'en, 'a yib'n̈ eb' to tzyal jelnal sb'a.

Is 5:21

'Oltac wal eb' cob' tzyal jelnal sb'a, caw wach' cob' snab'en eb' chi 'a tzyutj snani.

Pr 3:7

Man̈ a na', chajtlto caw yel xo jeln ach; 'ay cab' yel'ch Jehová 'a a sat, 'ij 'el a b'a 'a scal maysch'olnil.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Mr 4:19

palta cojxn jun tzo'n̈ yic yolyib'n̈q'uinl tic tzna eb'. Tzjuw 'el snab'en eb' yuj snib'n 'och sricoal. Til wal jun tzo'n̈ tas tzcomn nib'j 'och eb'. An̈j 'a jun tzo'n̈ chi tzya'ch eb' snab'en; yuj cha, caw tzjuw 'el spaxti Dios 'a eb', lajn tz'aj eb' 'icha jun tzo'n̈ 'in̈t may xon jac sjolm tzyac'a.

Job 27:19

A eb' maysch'olnil snab'en, 'oj 'ec' teln eb' sway 'a jun slajb' 'ac'wl yet' smasnil sricoal, ax yic 'oj 'elx swayn̈ eb', man̈x 'a xon jac tas 'ay 'a eb'.

Pr 27:24

yujto a ricoal yet' 'opiso, lemb'il man̈ najtloc tzyac'a, ax slajw paxi.

Ec 5:13

'Ix wilni to 'ay junx tas yel xo wal cusc'ojlal 'a yolyib'n̈q'uinl tic: 'Ay wal eb' caw wal tz'och 'il sayn 'ec' sricoal, palta ax tz'aji, a sricoal eb' chi tzjun'eli.

Jeremías 9:22

'Ix yal Jehová 'ayn 'ixtic: Al 'a eb' to an Jehová in tzwal 'ixtic: A sniwnal eb' 'anma', b'ulctac 'oj 'ajcn 'a 'a'lic, 'icha tz'ajcn tzicn stza no noc', 'icha pax tz'ajcn tzicn 'ixm schon trigo 'a spatquil eb' polm trigo, man̈x 'a junc mach 'oj si'noc, xa chi 'a eb', xchi Dios 'ayin.