Pr 23:22 - Chuj San Sebastian Bible

²² Chajec eyab' tas tzyal e mam ex pitzn 'eli, caw man̈ e patquilc can 'el e nun 'a yic chichm 'ixx xo.

Chuj San Mateo Bible

²² Cham eyab'an tas syal eb' vin̈ e mam, aton eb' vin̈ ix ex ilan pitzvoc. Man̈ e patiquejel eb' ix e nun ayic schichimax eb' ix.

Pr 23:22 Referans Kwoze

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Pr 1:8

Tzyal Salomón 'ixtic: Ach wunnal, maclj wal ab' a cuynb'il tzwac'a, man̈ a patquilc can 'el a cuynb'il tzyac' pax a nun.

Pr 6:20

Ach wunnal, molcn jun tzo'n̈ in checnb'il tic 'a a nab'en, yet' cuynb'il tzyac' a nun.

Dt 27:16

Catb'tzaxc cab' eb' may yel'ch smam snun 'a sat, xchi eb' levita. 'Ixta cab' tz'aji, 'oj xchic eb' chon̈ab'.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Mr 7:10

Yaljnac can Moisés 'ixtic: 'Ay cab' yel'ch e mam e nun 'a e sat, a mach tzb'aj smam snun, yowlal tzchami, xchi.

Pr 30:11

'Ay mach tu yaln 'a smam, may xon 'aj tzyal junc wach' paxti 'a snun.

Lv 19:32

'Ochn̈ec wan lin̈n 'a yojltac eb' 'ichmtac winac, 'ay cab' yel'ch eb' 'a e sat. 'Ay cab' pax wel'ch 'a e sat.

Pr 15:20

A eb' 'unnab'il wach' snab'en, caw tzyac' eb' tzaljb'oc sc'ojl smam snun; ax eb' may snab'en, tzpatquilj can 'el eb' smam snun cha.