Pr 22:5 - Chuj San Sebastian Bible

⁵ A 'a yol sb'e eb' maysch'olnil, til wal q'ui'ix yet' ch'an̈ yal 'ay 'ejmi, ax eb' tzya'ilj sb'a, ma'oj can eb' 'a jun tzo'n̈ ch'an̈ yal cha.

Chuj San Mateo Bible

⁵ A d'a yol sb'e eb' chuc, ichato te ay te' q'uiix yed' yaal ayemi. Axo pax eb' stan̈vej sb'a jun, man̈ junn̈ejoc sb'eyec' eb' yed' eb' chuc chi'.

Pr 22:5 Referans Kwoze

Pr 15:19

A 'a eb' 'isaj, 'icha to 'ay 'ejm q'uix 'a yol sb'e eb'; ax eb' wach' snab'en, caw tojl sb'e eb', may tas 'ay 'ejm 'a yol sb'e eb' cha.

1 Jn 5:18

Cojquec, toto yel yunnaln̈ec xo Dios, man̈x 'oj qui b'eylb'oquec maysch'olnil, yujto a Yunnal tzon̈ tan̈wniec. Yuj cha, man̈xtzac stac' on̈ yixtnec win diablo.

Pr 16:17

Toto tojl qui b'eyb'alec, tzqui'nec 'el qui b'a 'a scal maysch'olnil; toto tzca'c cuenta qui b'eyb'al, wan qui ya'ilnec qui b'a tzyal cha.

Pr 19:16

A mach tzyiclni schecnb'il Dios, 'icha to wan stan̈wni sb'a yet' sq'uinal; ax toto tzpatquilj can 'el scuynb'il, 'oj cham muc'uc.

Pr 13:15

A eb' 'ay snab'en, caw nib'b'il eb' yuj eb' 'anma', ax eb' tz'ixtn eb' 'anma', yajn̈j cha tzsatl eb'.

Job 18:8

'Oj 'ajxoc 'ejm ch'an̈yal 'a yol sb'e, ax scan sut'n jun yal chi 'a 'a.

Pr 13:3

Toto tzqui nac qui b'a qui paxtini, mun an̈ tzqui tan̈wjec qui b'a; ax toto tz'e'x 'a yib'n̈ qui paxtinec, mun an̈ec tzquixtj 'el qui b'a.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Salmos 11:6

'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

Josué 23:13

eyojc xon wal b'i'an, to a Jehová man̈x 'oj yi'l jun tzo'n̈ eb' 'anma chi 'a e cal. 'Oj sc'anlb'oc eb' 'icha junc ch'an̈ ya'al sec tzex 'em yuj eb'. 'Icha no tz'um tz'och 'a yich e patic, 'icha pax te q'uix tz'at 'a yol e sat, 'ixta 'oj ex yutc eb', masnto 'oj e satl 'a sat lum lum caw wach' 'ix yac' Jehová Dios 'ayn̈ec.

Pr 22:4

Toto tzquijec 'ejm qui b'a, yet' 'ay pax yel'ch Jehová 'a qui satec, 'oj qui chac ricoal, 'oj qui b'inaxec, ax yajx najtxb'oc qui q'uinlec.

Pr 29:6

A mach maysch'olnil sb'eyb'al, a smul cha, 'icha ch'an̈ yal yajch 'a 'a; ax pax mach to wach' snab'en, caw junc'ojlal yaji, tzaljc'ojlaln̈ej yico'.

Pr 4:19

Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.