Pr 22:23 - Chuj San Sebastian Bible

²³ yujto a Jehová 'oj colnoc eb', ax 'oj 'a'noc spac 'ayx yuj tas tze b'o cha.

Chuj San Mateo Bible

²³ yujto a Jehová ol colanoc, axo Jehová chi' ol ac'an spac d'ayex yuj schucal tas tze c'ulej chi'.

Pr 22:23 Referans Kwoze

Salmos 140:12

Mamin Jehová, wojtac to ach tza b'oyaj eb' meb'a', tza col pax eb' 'aych 'a somc'ojlal.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Pr 23:11

yujto a Dios tztac' yuj smasnil, a 'oj colnc 'el eb', ax 'oj 'a'nc owl eyet'oc.

Jeremías 51:36

Tzyal Jehová 'ixtc 'a eb' 'aj Jerusalén: An 'oj in b'eyc'ojlwi 'a stojlal, an 'oj wac' spac 'a eb' 'ajc'ojl yajch 'ayex. 'Oj wac' tup chan̈ a a tzb'eyi, yet' a spac'b'a 'ay 'a yol yic Babilonia.

A Ch'an̈ B'ab'el Libro Samuel 25:39

A yic xyab'n win David speclal chajtlto tox 'ix chami, 'ix yaln 'ixtic: —Alx cab' wach' paxti 'a Jehová, tox 'ix spactzej 'a win Nabal xcham cha, yuj tas in yutej. A pax Jehová in tenn 'och wan 'a tas maysch'olnil 'ijn xin b'o'o; mun wal x'el-l tu 'a yib'n̈ win sch'ocoj, xchi David. Xlajw cha, 'ix checn 'at win David jaywn̈ schecb' 'a 'ix Abigail yic tz'at yal eb' 'a 'ix, to tznib'j win tzyij 'ix yistziloc.

Salmos 35:10

Yet' wal smasnil in c'ojol 'oj wal 'ixtic: Caw may mach lajn et' Mamin Jehová. A eb' meb'a' yet' eb' may xon jac tas 'ay 'a 'a, tza colcn 'el eb' 'a yol sc'ab' eb' caw te'n yaji, yet' 'a eb' tz'i'n 'ec' jac tas 'ay 'a eb', 'oj in chioc.

Salmos 43:1

Ach in Diosal b'eyc'ojlej in, ala to may in mul, coln 'el 'a yol sc'ab' eb' 'anma 'a'm 'es yet' 'a eb' tu sb'eyb'al.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Miqueas 7:9

'Ix 'och qui mulc 'a Jehová, yuj cha, 'oj ca'c techjoc yowl sc'ojol, masnto 'oj on̈ sb'eyc'ojloc, ax on̈ sb'onec yaji. 'Oj yac' Jehová quilc sacq'uinlal, 'oj quilc tas 'oj yutc on̈ scolnec 'eli.

Jeremías 50:34

Palta an Jehová in, tztac' wuj smasnil, an 'oj in colcn 'el eb'. 'Oj in b'eyc'ojloc eb' wal 'a stojlal. 'Oj wac' junc'ojlal 'a in chon̈b' tic, ax pax 'a eb' 'aj Babilonia, cojn xiwc'ojlal 'oj wac' 'a eb', xchi.

Habacuc 2:8

'Ix laj eyijcan 'ec' tastc 'ay 'a eb' 'anma 'a jun tzo'n̈ nacion̈, palta a eb' xcant cani, 'oj yi'cc eb' tas 'ay 'ayex. 'Ixta wal 'oj eyaj yuj eb', yujto til wal eb' milb'il eyu'uj, ma'ix 'o'ch e c'ojl 'a eb' 'anma cajn 'a jun tzo'n̈ nacion̈ cha, yet' 'a eb' chon̈b' 'ay 'a yol smacb'en eb'.

Is 33:1

'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Salmos 68:5

A Dios cajn 'ec' 'a yol scajnub', jun to yicn̈ej yaj sch'ocoj. A 'aych smamc eb' meb'a 'unn chamnc smam, scolmal pax eb' 'ix chamnc yichmil.

Salmos 35:1

Mamin Jehová, meltzjan̈ 'och 'a eb' tzcomn meltzj 'och 'ayin; 'ac' owl yet' eb' tzyac' owl wet'oc.

A Ch'an̈ B'ab'el Libro Samuel 24:12

A cab' Jehová 'oj qui b'eyc'ojlan q'ui chawn̈il. A 'oj 'a'nc spac 'aych yuj tas tzin otej. An xo pax tic, may b'a'n̈ 'oj ach in mil chamoc.

A Ch'an̈ B'ab'el Libro Samuel 24:15

Yuj cha, a cab' Jehová 'oj qui b'eyc'ojlan qui chawn̈il; a cab' tzin b'eyc'ojlani, tzin scoln 'el 'a yol a c'ab', xchi David.

Ex 22:22

Man̈ eyixtc eb' 'ix 'ix chamnc yichmil, yet' pax eb' meb'a 'unn chamnc smam.

Ex 22:23

Toto tzeyixtj eb', ax yaln sb'a eb' 'ayin, an xo 'oj in colwj yet' eb'.

Salmos 12:6

A tas alb'il oj Mamin Jehová, tztac' ca'n 'och yipc qui c'ojl on̈, yujto lajn 'icha q'uen plata si'mb'il yaj stz'a'i, man̈x 'a jac slumal tzcan 'a 'a, uc 'ejm tz'ajx tz'a 'a yol jorna.

Salmos 103:6

A Jehová tojl tzyutj sb'onyaj junc mach tz'ixtx yuj eb' 'ixtm 'anma'.

Salmos 140:13

A eb' 'anma tojl snab'en, 'oj yal eb' wach' paxti 'ayach; a eb' tojl sb'eyb'al cha, 'oj cann̈j eb' 'a ojltac.

Pr 21:7

A mach maysch'olnil sb'eyb'al, a smaysch'olnilal chi 'oj 'a'n lajwoc, yujto matz snib'j sb'eylb'oc tas tojol.

Jeremías 30:16

A wal smasnil eb' ex nib'n satnc 'eli, caw 'oj satxoc 'el eb'. Smasnil eb' 'ajc'ojl yajch 'ayex, 'oj 'ijxoc 'at eb' 'icha presoal. A eb' ex 'ixtni, 'oj 'ixtxoc pax eb', a eb' 'el'jnac 'at tas 'ayex, 'oj 'el'xoc 'at tas 'ay 'a eb'.