Pr 21:9 - Chuj San Sebastian Bible

⁹ Yel xo wach' yic win winc to cajn sch'ocj 'a jac pat, 'a yib'n̈ to a 'a junc niwquil n̈a 'aj cajn yet' junc 'ix 'ix to yowln̈ej 'a smasnil tiempo.

Chuj San Mateo Bible

⁹ Yelxo te vach' tzon̈ aj d'a junoc yune' pat co ch'ocoj, d'a yichan̈ pax tzon̈ aj d'a junoc nivan pat te vach' yed' junoc ix ix ayn̈ejcot yoval.

Pr 21:9 Referans Kwoze

Pr 19:13

A junc 'unnab'il may snab'en, caw wal tzyab' syal smam yu'uj. A 'ix 'ix own̈j 'a yichmil, lajn wal 'ix 'icha yem t'ujljoc tz'uj.

Pr 25:24

Yel xo wach' yic win winc cajn 'a junc pat, 'a yib'n̈ to cajn 'a junc niwquil n̈a yet' junc 'ix 'ix to yowln̈ej 'a smasnil tiempo.

Pr 21:19

Yel xo wach' yic win winc to cajn sch'ocj 'a junc lugar 'aj c'ultac, 'a yib'n̈ to cajn yet' junc 'ix 'ix to yowln̈ej 'a smasnil tiempo.

Pr 12:4

A 'ix 'ix caw wach'n̈j tas tzb'o'o, 'icha wal junc corona yaj 'ix 'a win yichmil, caw tzalj win yet' 'ix. Ax 'ix 'ix tu sb'eyb'al jun, 'icha to 'aych syab'il win yichmil 'ix chi yu'uj, masnto tzc'och yab'n win syal 'a yol sb'acl yuj 'ix.

Pr 15:17

Wach'xam 'itj tzqui loc yet' eb' tzon̈ mol wac yet'oc, toto 'ay chamc'ojlal 'a qui calc yet' eb', yel xo wach' quiquec 'a yib'n̈ to cob' chib'j tzqui chic yet' eb', palta owln̈ej pax cajc yet' eb'.

Pr 17:1

Yel xo wach' junc'ojlal cajec, wach'xam to tacn̈ wal tzqui wajec, 'a yib'n̈ to q'uin̈ 'aych 'a catutec 'a junjn c'u, palta owln̈ej pax cajc 'a catutec cha.

Pr 21:8

A sb'eyb'al jun maysch'olnil cha, man̈ tojloc; ax sb'eyb'al junc wach' snab'en, caw tojol.

Pr 21:10

A junc mach maysch'olnil snab'en, cojn maysch'olnil tznib'j sb'o'; may 'aj tzyac' swach'c'ojlal 'a yit 'anma'il.