Pr 21:12 - Chuj San Sebastian Bible

¹² A Dios caw tojol, q'ueln 'och 'a mach maysch'olnil snab'en, a tz'a'n 'och 'a yol sc'ab' yailal.

Chuj San Mateo Bible

¹² A Dios tojol toni, scham val yilan eb' chuc, yuj chi' a tz'ac'anoch syaelal eb', yic satel eb'.

Pr 21:12 Referans Kwoze

Pr 14:11

A tas 'ay 'a eb' maysch'olnil sb'eyb'al, 'oj lajwc 'ejm 'a eb'; ax tas 'ay 'a eb' tojl sb'eyb'al, 'oj niwtjoc cha'an̈.

1 Co 10:5

Wach'xam 'ixta 'ajnc eb', palta an̈ja til wal eb' maysch'olnil snab'en 'a sat Dios. Yuj cha, chamnc can eb' 'a jun cusltac lum 'aj 'e'nc cha.

Am 4:11

An Jehová in, an tzwala, ex wac' lajwc 'el 'icha 'ajnc slajw 'el eb' 'aj Sodoma, yet' eb' 'aj Gomorra, yuj cha, ax jaywn̈ ex cannc ex tic, lajn ex xoj 'icha junc te cux tz'ijx can 'elt 'a scal te c'ac'. Palta man̈ yujoc cha, ex meltzj paxt 'ayin.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Salmos 107:43

A eb' jeln snab'en, smolcn cab' eb' jun tzo'n̈ tic 'a snab'en, sec 'oj yojcoc 'el eb' to caw niwn schamc'ojlal Jehová 'a eb'.

Salmos 52:5

palta a Dios 'oj a satn 'el 'a jun 'ejmn̈ej. 'Oj ach yic' 'elt 'a yol atut, ax yi'n 'ec' a q'uinal.

Job 8:15

Q'uinloc cob' 'ay mach tznib'j can yamn 'a junc ch'alxim cha, toc 'ay yip jun cha; q'uinloc tzon̈ can t'un̈n 'a 'a, ¿tom ma'oj t'ucchjoc?

Job 5:3

'Ay 'aj wiljnac eb' tu snab'en, 'ix laj cob' niwtjoc tas 'ay 'a eb', palta yajn̈ej satx can 'ejm jun tzo'n̈ chi 'a eb' muc'uc.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Pr 13:6

Toto tojl qui b'eyb'alec, may tas tzon̈ 'i'ni; ax toto may qui ch'olnilec, caw wal tzquijec cot 'a quib'an̈.

Gn 19:29

Palta a yic 'ix ya'n Dios lajwc jun tzo'n̈ chon̈b' 'a jun pan̈n 'aj 'ix 'ec' cajn win Lot cha, 'ix snan cot tas 'ix sc'an Abraham, yuj cha, xcolx can 'elt Lot yuj 'a jun niwquil yailal cha.

Pr 29:16

A yic tzniwtj chan̈ eb' 'anma maysch'olnil sb'eyb'al, caw tzniwtj chan̈ 'ajmulal; ax eb' wach' snab'en, q'ueln 'och wal eb', ax satl eb' maysch'olnil cha.