Pr 20:6 - Chuj San Sebastian Bible

⁶ Til wal eb' tzalni to 'ayn̈j schamc'ojlal eb' 'ayn̈ec, palta jaywn̈ej eb' tztac' ca'nec 'och yipc qui c'ojol.

Chuj San Mateo Bible

⁶ Tzijtum eb' tz'alani to tzon̈ xajanej eb', palta chequeln̈ej eb' syal cac'anoch yipoc co c'ool.

Pr 20:6 Referans Kwoze

Salmos 12:1

Mamin Jehová coln̈ 'el on̈, yujto man̈x 'a mach te'n tzyutj sb'a 'ayach, man̈x 'a pax mach yiclum 'a qui cal an̈ 'anman̈ tic.

Mt 6:2

Yuj cha, a yic tzex colwj 'a eb' meb'a', man̈toc c'uxn tzeyal yab' eb' 'anma yuj tas tze b'o'o. Yujto a eb' chab'sat yaji, 'ixta tzlaj sb'o eb' 'a yol jun tzo'n̈ scapiya, yet' 'a yol caye, sec tzlaj yal eb' 'anma wach'l eb'. Wal yel tzwal 'ayex, tox schaj eb' spac jun swach'l cha, toxn may spac 'oj scha eb' 'a Dios.

Lc 18:8

An tzwal 'ayex, caw 'oj sb'oyaj eb' muc'uc. Palta an 'Ochnc in 'Anmal tic, a yic 'oj in jaw pax jun 'ejm xo, ¿tom 'an̈ja 'ay 'anma 'a yolyib'n̈q'uinl tic caw 'aych sc'ojl 'a Dios? xchi Jesús 'a eb'.

Lc 22:33

Yuj cha, xyaln Simón chi 'ixtc 'a 'a: —Mamin, caw b'ecn in c'ojl woch 'a preso et'oc, toxn̈ej 'oj in cham et'oc, xchi 'a 'a.

Lc 18:11

Ax yic xc'och win fariseo cha, 'ix 'och lin̈an. 'Ix leslwi 'ixtic: Ach in Diosal, tzwac' yuj diosal 'ayach, yujto an tic man̈ in lajnoc 'icha jun tzo'n̈ xo 'anma'. A eb' cha, caw 'elc'm eb', man̈ tojloc snab'en eb', caw tzmuln pax eb'. Yet' pax win tecm 'el tumn tic, yuj wal dios, man̈ in lajnoc yet' winac.

Pr 27:2

Scha cab' e c'ojl to chuc mach tzex aln wach'il; yujto man̈ wach'oc toto mun ax tzeyalch wach'l e b'a.

Pr 25:14

'Icha tacn̈ 'asun, 'icha tacn̈ 'ic' may sn̈ab'il, 'ixta junc mach tzcob' sb'an̈ sb'a ya'n junc tas, ax tz'aji, may xon jac tas tzyac'a.

Jeremías 5:1

Xyaln Jehová 'ayn 'ixtic: B'eyn̈ 'ec' 'a scayeal Jerusalén, tza maclni wal el si'mb'il. Tz'ec' a saync el 'a 'aj 'ay smasnil chon̈, tzelni toto 'ay mach caw tojl tas tzb'o'o, caw yeln̈j tas tzyala. Toto tz'ilchj junc o'oj, to 'ixta', 'oj wac' niwnc'ojlal 'a Jerusalén.

2 Co 12:11

'Icha to man̈ nab'enal waji, yic tzwaln 'at in b'a wach'l 'ayex, palta ax xo in eyac' pural walni. Yujto smoj ax tzin eyal wach'il. 'Ay eb' cob' tzyalch sb'a schecb'oc Cristo si'mb'il. A 'a eb' tzlaj cob' eya'ch e nab'en. Wach'xam may xon jac wel'chi, palta may wal jac yel'ch eb' 'a in sat.

Jn 1:47

Ax 'ix yiln 'at Jesús, wan sc'och Natanael 'a 'a. 'Ix yaln yuj 'ixtic: —A jun tzjaw tic, caw yel israel 'a sat Dios, may 'aj chab'sat tzyutj sb'a, xchi Jesús.

Lc 18:28

Ax Pedro 'ix aln 'ixtc 'a 'a: —Mamin, an̈ tic on̈, 'in cactjnac can smasnil tas 'ay 'ayn̈ on̈, on̈ 'och a cuywumoc on̈, xchi.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Pr 20:5

A tas c'ultac yaj 'a snab'en junc 'anma', lajn wal 'icha a a 'ay 'a yich junc xab', ax junc mach 'ay snab'en, tztac' yojcan 'el junc nab'en cha.

Salmos 12:2

Cojxn̈ej 'es tzlaj yal-lac eb' 'a junjn 'anma', tzlaj yixtn paxti sb'a eb' 'a chab'satil.

Miqueas 7:1

Yuj cha, xwaln 'ixtic: ¡'Oltacn wali! lajn in xoj 'icha eb' tz'ec' sayj sat uva yet' sat higo 'a yic man̈x stiempoaloc. Palta man̈x 'a sat te xcani, man̈x 'a te sb'ab'l sat caw nib'b'il sloxi.