Pr 20:3 - Chuj San Sebastian Bible

³ A mach tzten 'ejm owal, caw wal wach' yico'; ax mach tu snab'en, ton̈j tzwach' tzuntzj owl cha.

Chuj San Mateo Bible

³ Te vach' yic eb' max mojan oval. Axo eb' chuc spensar jun, syac'och sb'a eb' d'a scal oval chi'.

Pr 20:3 Referans Kwoze

Pr 16:32

Yel xo wach' niwn tzcutjec qui c'ojol, 'a yib'n̈ pax to c'un scot cowlec. Yel xo pax wach' mun tzqui yamc 'och wan qui b'a, 'a yib'n̈ pax to tzcan junc chon̈b'al 'anma 'a yaln̈ cu'uj.

Pr 17:14

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

Ef 4:32

Caw wach' tzlaj eyutc e nab'en 'ayx junjn ex. Tzlaj 'o'ch e c'ojl 'ayex. An̈jtona', tzlaj eya'lac niwnc'ojlal 'ayx junjn ex, 'icha xyutj Dios ya'n niwnc'ojlal 'ayn̈ec yuj Cristo.

Pr 19:11

Toto tzqui yamc 'och wan qui b'a yet' yowl qui c'ojol, 'ay qui nab'enec 'ixta'; tzon̈ alxec wach'il toto tzca'c niwnc'ojlal 'a eb' tz'och smul 'ayn̈ec.

Pr 14:29

Toto 'ay qui niwnc'ojlalec, tzyal 'el'chi jeln on̈ec; palta toto c'un scot cowlec, tzyal 'el'chi to may qui nab'enec.

Santiago 4:1

¿Eyojc am 'aj tzcot jun tzo'n̈ owl 'ay 'a e cal, yet' chichnc'ojlal? A yic tze nib'n 'och jun tzo'n̈ tas tze nib'j eyac' e gana yet'oc, ata tzpitzw 'elt jun tzo'n̈ owl cha.

Pr 18:6

Yuj spaxti eb' 'anma may snab'en, yuj cha, tzq'ue wan owal; yuj spaxti eb' cha, ax sjaw yailal 'a yib'n̈ eb'.

Santiago 3:14

Palta caw man̈ e b'an̈ e b'a yuj e jelnal 'a sat Dios, toto tzex comn chichni, toto cojxn̈ej eyic tze nib'j tzeyala, tze nib'n ax xoj tzeyac' mandar. Toto 'ixta tzeyutj e b'a, caw wan eya'n 'es yuj jun e b'eyb'al cha, yujto matz eyiclj jun cuynb'il caw yel.

Pr 21:24

A mach b'uchmtac, yel xo tz'ec' 'a yib'n̈ sb'an̈n sb'a, tzyij chan̈ sb'a, man̈x 'a yel'ch yit 'anmal 'a sat.

Pr 14:17

Toto c'un scot cowlec, caw man̈ wach'c tas tzqui b'oc 'ixta'; an̈jtona', toto si'mb'il wal tzqui na'ec yic tzqui b'onec tas tu 'a junc quit 'anma'il, caw wal tz'och eb' 'anma 'ajc'ojlal 'ayn̈ec.

A Ch'an̈ Schab'il Libro Yic Yab'ixal Eb' Rey 14:9

Palta ax win Joás cha, xya'n 'at spac 'ixtc 'a Amasías cha: 'Ix yalb't jun te sac q'uix 'a te c'ute 'ay 'a Líbano: 'Ac' 'ix esl yistzilc win wunnal, xchi te'. Palta ax e no chiwjum noc' 'ix 'ec' ta', 'ix ste'n can 'ejm e no te sac q'uix cha.

Gn 13:7

Yujto a eb' yilmal scajb'en noc' Abram, to tzyac' eb' owl yet' eb' yilmal yic Lot. An̈jtona', a yic jun tiempoal cha, cajnto to 'ec' eb' cananeo yet' eb' ferezeo 'a jun lugar cha.

Gn 13:8

Yuj cha, 'ay jun c'u, 'ix yaln Abram 'a Lot 'ixtic: Caw an̈to 'ochi, man̈ smojc ca'n owal, 'ixta pax eb' yilmal qui cajb'en noc', man̈ smojc ya'n eb' owal.

Pr 26:17

A mach tzya'ch sb'a 'a scal junc owl 'aj may yaln yico', lajn wal 'icha to a schicn junc no tz'i tzyama.