Pr 2:6 - Chuj San Sebastian Bible

⁶ A Jehová a tz'a'n qui jelnal, a spaxti tz'a'n cojcoc 'el wach' nab'enal.

Chuj San Mateo Bible

⁶ A Jehová tz'ac'an jelanil. Yuj slolonel scojtaquejel smasanil, syac'an jelanb'oc co pensar.

Pr 2:6 Referans Kwoze

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

Salmos 119:98

A jun tzo'n̈ a checnb'il tic, a eb' x'a'n sjelnal in nab'en 'a yib'n̈ eb' 'ajc'ojl yajch 'ayin, yujto 'ayc' eb' 'a in nab'en.

Job 32:8

Palta wal yel, 'ayn̈j snab'en smasnil 'anma', yujto a Dios tztac' yuj smasnil, a 'ix 'a'n 'och yespíritu junjn mach.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Jn 6:45

Tz'ib'b'il can yuj jun tzo'n̈ eb' schecb' Dios 'ixtic: 'Oj 'ajxoc cuywc smasnil 'anma yuj Dios, xchi eb'. Yuj cha, jantcn̈ej eb' tzya'ch schicn 'a tas tzyal qui Mam Dios, toto tznachj 'el yuj eb' tas tzyala, 'oj jawc eb' 'ayin.

A Ch'an̈ B'ab'el Libro Yic Yab'ixal Eb' Rey 3:12

yuj cha, 'oj wac' tas chi xa c'an cha. 'Oj wac' a jelnal, mant 'a mach lajn snab'en 'ix 'ec' 'icha ach tic, may pax junc xo tot 'oj 'och 'a yic 'oj lajwc stiempoal eco'.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

Salmos 119:104

A 'a spatq'uil jun tzo'n̈ a checnb'il tic, ata xwij 'elt in nab'en; yuj cha, caw matz in nib'j jun tzo'n̈ b'eyb'al yic 'a'j 'es.

Dn 2:23

Ach qui Diosal on̈, sDiosal ach pax eb' qui mam quichm on̈, caw tzwac' yuj diosal 'ayach. Tzwaln pax wach' paxti 'ayach, yujto 'ix ac' in jelnal, yet' pax wip. A ticnec 'ix ac' wojcoc 'el tas 'ix qui c'an 'aych on̈; xac' wojcoc 'el tas yaj swaych win rey, xchi Daniel 'a Dios.

Dn 1:17

A ewin quelm tic schan̈wn̈il, a Dios 'ix 'a'n snab'en ewinac, xya'n sjelnal ewin scuyn smasnil jun tzo'n̈ ch'an̈ u'un̈. Ax Daniel 'ix 'ajx sjelnal snan 'el jun tzo'n̈ wayich, yet' jun tzo'n̈ 'ilwal.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

A Ch'an̈ B'ab'el Libro Yic Yab'ixal Eb' Rey 4:29

Man̈x jantcoc sjelnal Salomón 'ix yac' Dios. Til wal tas tznachj 'el yu'uj, man̈xtzac b'ischji.

Dn 2:21

Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal.

Pr 6:23

Yujto a jun checnb'il tic yet' jun cuynb'il tic, lajn wal eb' 'aych 'icha junc cantil 'aych sc'aq'uil. A tennb'il yet' wach' nab'enal, a tzach 'i'n 'at 'a jun b'e yic q'uinal.

Salmos 19:7

A sley Jehová may wal jac spaltail, yujto caw tz'a'tb'i qui nab'enec yu'uj. A schecnb'il caw yel, tzyac' sjelnal eb' may xon jac tas tztac' yu'uj.

A Ch'an̈ B'ab'el Libro Yic Yab'ixal Eb' Rey 3:9

Yuj cha, tzin c'an 'ayach, to tzac' in jelnal, sec wach' 'oj stac' in b'onyaj jun chon̈b' tic, sec 'oj nachjoc 'el wu'uj, 'aj 'ay wach'il yet' tu'al. ¿Tas wal 'oj wutc wa'n cuenta jun a niwquil chon̈b' tic, toto ma'oj ac' in jelnal? xchi Salomón.

Ex 31:3

'Ix wa'ch Wespíritu 'a 'a, xwa'n sjelnal, sec tzyojquej 'el sb'on tzann̈j munljelal.

1 Cr 22:12

A cab' Jehová 'oj 'a'nc a jelnal, sec wach' a yic 'oj a'nc reyl 'a yib'n̈ chon̈b' Israel, 'oj a yiclc sley Jehová qui Diosal.

Nehemías 7:5

Xlajw cha, xya'n Dios in na', to tzwac' syam sb'a eb' niwc winac, eb' 'aych yajlil yet' eb' chon̈ab', yic tz'ib'x eb' 'a yol libro, a tzyal yin̈tl smam yichm eb'. 'Ix 'ilchj pax ch'an̈ libro 'aj tz'ib'b'il can sb'i smam yichm eb' 'a yaln̈taxi. Ata tz'ib'b'il can eb' tic:

Job 22:22

Comnoc tza chaj ab' tas tzyala, tza moln can spaxti chi 'a a nab'en.

Salmos 51:6

Caw 'ay a chamc'ojlal 'a eb' to a yet' smasnil sc'ojol tzb'on stojlal, yuj cha, 'ac' wal a jelnal 'ayin.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

A Ch'an̈ B'ab'el Libro Yic Yab'ixal Eb' Rey 10:24

Smasnil 'anma 'a yolyib'n̈q'uinl tic, caw tznib'j eb' yila', yet' yic tzyab'n eb' jantc wal sjelnal x'ajx yuj Dios.

Esdras 7:25

Ach xo tic Esdras, caw 'ay a jelnal 'ac'b'il yuj a Diosal, yuj cha, 'a'ch eb' juez yet' eb' gobernador, sec a eb' tzb'on yaj smasnil eb' chon̈b' 'ay 'a sc'axpil 'ec' a Éufrates. Tza sic' 'elt eb' yojc xo sley a Diosal cha, ax eb' mant 'ojtnacoc, tza cuy eb'.

Job 12:13

Palta ax Dios caw wal jelan, 'ay spoder, caw 'ay snab'en. Toto 'ay tas tznib'j sb'o', tz'el'chn̈ej yuj 'icha tzyutj snan cha.

Job 12:16

A Dios caw wal 'ay spoder, an̈j tz'a'n ganar. A 'a yol sc'ab' 'ayc' eb' tz'ixtw 'anma', ata 'ayc' pax eb' tz'ixtx cha.

Salmos 19:8

A tas tzyala caw wach'n̈j smasnil, yujto tzyij cot tzaljc'ojlal 'a qui pixnec. A sley caw tojln̈ej yaji, tzjaw qui nab'enec yu'uj.

Salmos 94:10

¿Am wal e nani, to ma'oj ya'ch yailal 'a eyib'an̈? ¿Tom man̈ yojcoc Dios tze na'a? 'In to a tzon̈ cuynec yic tzcojcanec 'el jelnal, tzya'n pax cuenta eb' lum niwc nacion̈.

Salmos 119:34

'Ac' in nab'en, sec wach' tzwutj in b'eylb'an jun cuynb'il tic; 'oj in yiclc 'a smasnil in c'ojol.