Pr 2:5 - Chuj San Sebastian Bible

⁵ 'Ixta wal 'oj 'aj snachj 'el o'oj tas tzach 'aj och yiclumal 'a Jehová, 'ixta pax 'oj otc ojcan 'el Dios cha.

Chuj San Mateo Bible

⁵ Icha chi' ol aj snachajel uuj, tas ol aj a c'anab'ajan Jehová yic tzojtaquejel d'a val yel.

Pr 2:5 Referans Kwoze

Pr 1:7

A eb' tznib'j jeln tz'aji, 'ay cab' yel'ch Jehová 'a sat eb'; a eb' may snab'en, caw matz nib'j eb' yab' jun tzo'n̈ jelnal yet' cuynb'il.

Jeremías 24:7

'Oj wac' wal snab'en eb', yic tzin yojcan 'el eb', chajtlto an ton Jehová in, ax eb', in chon̈b' yaj eb'; 'oj woch sDiosalc eb', yujto yet' wal smasnil sc'ojl eb', ax smeltzj paxt eb' 'ayin.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

Lc 10:22

Xlajw cha, xyaln pax 'ixtc 'a eb' 'anma 'ayc' ta': A 'in Mam, ya'jnac 'och smasnil tas 'a yol in c'ab'. May junc mach 'ojtnacn an Yunnaln tic, cojxn in Mam 'ojtnac in. An̈jtona', may mach tzcomn 'ojcan 'el in Mam, cojxn in an Yunnaln tic wojtac, yet' pax eb' tzin nib'j tzwac' 'ojcanc 'eli, xchi 'a eb'.

Jeremías 9:24

An Jehová in, an tzwala, toto 'ay mach tznib'j tzyac' tzaljoc sc'ojol, tzalj cab'i', yujto tzin yojquej 'eli, chajtlto an ton Jehová in, wach' tzwutj in b'a 'a sat lum lum tic yet' chamc'ojlal yet' pax tojlal. Atn jun tzo'n̈ tic tzchaj in c'ojol, xchi Dios.

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Pr 9:10

Toto tzqui nib'jec jelnal, yowlal 'ay yel'ch Jehová 'a qui satec. Toto tzqui nib'jec to 'ay qui naben, yowlal tzcojquejec 'el Dios, to Cojxn Niwn Yel'chi.

Job 28:28

'Ix yaln Dios 'ixtc 'a eb' 'anma': Toto niwn wel'ch 'a e sat, atn jelnal cha; toto tzeyij 'el e b'a 'a scal maysch'olnil, caw 'ay e nab'en tzyal cha, xchi Dios, xchi Job.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Pr 28:7

A junc 'unnab'il to wach' snab'en, tzyiclj smasnil sley Dios, ax pax junc pec' yec' 'ilj q'uin̈, tzyij 'el sq'uixwel smam.

Is 33:6

'Oj ac' ste'nal eb', sjelnal eb', yet' snab'en eb'; a jun tzo'n̈ chi 'oj colnc 'el eb', ax yoch eb' yiclumal 'ayach, 'icha to 'oj 'och eb' ricoal o'oj.