Pr 19:23 - Chuj San Sebastian Bible

²³ A mach 'ay yel'ch Jehová 'a sat, tzchaj sq'uinl yu'uj; tzaljc'ojlal yaji, may tas 'oj yab' syail.

Chuj San Mateo Bible

²³ Tato ay yelc'och Jehová d'a co sat, sco cha co q'uinal, yuuj paxi tzon̈ aj d'a tzalajc'olal, malaj tas scab' syail.

Pr 19:23 Referans Kwoze

Mt 5:6

A eb' tznib'j tojlb'oc snab'en wal 'a smasnil sc'ojol, caw wach' yic eb', yujto 'oj 'och Dios yet' eb', sec 'ixta 'oj 'aj eb'.

Pr 12:21

A eb' wach' snab'en, may tas tu tzjaw 'a yib'n̈ eb'; ax eb' tu sb'eyb'al, caw wal tzactzj eb' yuj yailal tz'el-l 'a yib'an̈.

Salmos 90:14

Caw 'ay a chamc'ojlal 'ayn̈ on̈. 'A junjn sq'uin̈b'ial tza'n qui tzaljc'ojlal on̈. Yuj a chamc'ojlal cha, ax qui b'itn 'a tzaljc'ojlal, ya' sb'a pitzn on̈ to jac xo.

1 Ti 4:8

Toto tzqui pacb'tzej qui niwnal sec 'ay quip, wach' toni. Palta a wal junx tic, yel xo wach', to tzca'ch qui nab'en 'a Dios. Toto 'ixta tzcutj qui b'a, 'oj qui cha swach'l 'a yolyib'n̈q'uinl tic, yet' pax 'a satcha'an̈.

Pr 10:27

A eb' 'ay yel'ch Jehová 'a sat, caw 'oj najtxb'oc sq'uinl eb', ax eb' maysch'olnil sb'eyb'al, 'oj tzu'xoc sq'uinl eb'.

Salmos 103:17

Palta a schamc'ojlal Jehová, may slajb' 'a 'ayn̈ to yiclum on̈c 'a 'a. A swach'c'ojlal 'ayc'n̈ej 'a yib'n̈ quin̈tlec b'aq'uin̈;

Salmos 85:9

Caw wal b'ecn sc'ojl Dios scolwj 'a eb' tz'och 'emmquilal 'a 'a, sec 'oj checljoc cha'an̈, to 'ayc' 'a qui calc yet' spoder.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Salmos 91:16

'Oj wac' e q'uinl 'a najtil, ax in ch'oxn in colwal 'ayex, xchi Dios.

Salmos 25:13

Caw 'oj q'ue'choc yet' tas 'ay 'a 'a, ax yin̈til, a 'oj cajnocn̈ej slu'um.

2 Ti 4:18

A 'oj in coln can 'el 'a yol sc'ab' smasnil maysch'olnil. 'Oj in swach' moloc, sec wach' 'oj in c'och 'a yol sc'ab' 'a satcha'an̈. Niwn cab' yel'ch Jesucristo 'a smasnil tiempo. 'Ixta cab' tz'aji.

Salmos 19:9

A 'emmquilal 'a Jehová, caw wach' tz'el'chi, 'ayc'n̈ej 'a smasnil tiempo. A sley Jehová caw tojln̈ej smasnil, yeln̈j pax tas tzyala.

A Tas Sc'ulejnac Eb' Schecab' Jesús Hechos 9:31

'Ixta to b'i'an, 'ix 'och wan jun owl chi 'a yib'n̈ eb' creyente smasnil 'a Judea, 'a Galilea, yet' 'a Samaria. Caw xlaj 'och ste'nal eb'. 'Ay xiwc'ojlal eb' 'a Cajlil. 'Ix 'och Yespíritu Dios yet' eb'. Yuj cha, 'ix niwtj chan̈ sb'isl eb'.

Salmos 91:10

Yuj cha, may junc tas tu 'oj comn jawc 'a quib'n̈ec, ma'oj comn c'och junc yab'il 'a yol catutec.

Pr 11:19

Toto tzon̈ 'ochc tza'n yuj tojlal, wan qui 'atc 'a jun b'e yic q'uinal, ax toto tzon̈ 'atc 'a maysch'olnil, to 'ixta' wan qui 'atc 'a jun b'e yic chamel.

Pr 19:22

A tas tznib'x 'a junc 'anma', to tz'el'ch tas tzyala; yel xo wach' yic eb' meb'a', 'a yib'n̈ eb' 'a'm 'es.

Pr 3:24

A yic 'oj elji, may junc tas 'aj 'oj a xiwi, caw tzaljc'ojlal 'oj a wayi.

Pr 22:4

Toto tzquijec 'ejm qui b'a, yet' 'ay pax yel'ch Jehová 'a qui satec, 'oj qui chac ricoal, 'oj qui b'inaxec, ax yajx najtxb'oc qui q'uinlec.