Pr 19:17 - Chuj San Sebastian Bible

¹⁷ A mach 'ela 'a eb' meb'a', 'icha to a 'a Jehová wan ya'n junc chi majnil, ax Jehová, a 'oj 'a'noc spac jun swach' nab'enal cha.

Chuj San Mateo Bible

¹⁷ A eb' scolvaj d'a eb' meb'a', ichato a d'a Jehová van yac'an eb' majanil, axo Jehová chi' ol ac'an meltzaj jun majan chi' d'a eb'.

Pr 19:17 Referans Kwoze

Pr 28:27

A mach tzcolwj 'a eb' meb'a', ma'oj yil meb'a'il; ax mach matz colwj 'a eb', til wal eb' 'oj alnc tu 'a spatquil jun cha.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

Lc 6:38

'A'cn̈ej tas 'a eb' eyit 'anma'il, toto 'ixta', 'oj ya'n̈j pax Dios tas 'ayx jun xo. 'Icha junc tas tz'acn tz'aj yechtaxi, tzquilx 'ejmi, tzicb'tan̈xi, masnto tzq'ue ch'ucn sti', 'ixta 'oj yutc Dios ya'n tastc 'ayex. Yujto 'icha tzeyutj e b'a 'a eb' eyit 'anma'il, 'ixta 'oj ex yutc Dios jun xo.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Ec 11:1

A ticnec 'ela cab' tzcutjec qui b'a, ax yic jaye c'u ax qui chanec pax spac.

Pr 14:31

Toto tzquixtjec eb' meb'a', caw tzqui patquiljec can 'el Dios, atn jun mach b'ojnac eb'. Palta toto tz'o'ch qui c'ojlec 'a eb', wan qui ch'oxnec 'eli to 'ay yel'ch Dios 'a qui satec.

A Scarta San Pablo D'a Eb' Aj Filipos 4:17

Man̈ yujoc ton̈j tzwa'ch in nab'en 'a e colwal, tzwaln 'at jun tzo'n̈ tic 'ayex. Caw tzin tzalji, yujto wan sniwnb'i spac eyic 'a sat Dios.

Pr 14:21

Tz'och qui mulec toto tzqui patquiljec can 'el eb' quit 'anma'il, palta caw wach' quiquec, toto tz'o'ch qui c'ojlec 'a eb' meb'a'.

Pr 28:8

A mach tzniwtj sricoal yuj yune stumn tzyac' majnil, tzmolb'tzej wal sricoal cha, palta ax 'a eb' tz'o'ch sc'ojl 'a eb' meb'a', axta tzcani.

Pr 12:14

Junjn on̈ec tzqui chajec spac tas tzcala, tzqui chanec pax spac tas tz'el qui b'onec.

A Ch'an̈ Schab'l Libro Samuel 12:6

Chan̈wn̈ xo tzyutj stojn no yune calnelu cha, yujto tu tas sb'o'o, matz 'o'ch sc'ojl 'a junc yit 'anma'il, xchi.

Dt 24:19

A yic tzex polw trigo, yic tze si'n syam sb'a 'ixim, toto tzcan jun yuchc 'ixm 'a scal yoc eyu'uj, man̈ ex meltzjoc 'a e patc e sayx 'ixim. Can cab' 'ixim, sec a eb' chuc chon̈b'al 'ayc' 'a e cal, mto eb' meb'a 'unn chamnc smam, mto eb' 'ix 'ix chamnc yichmil, a eb' 'oj 'ec' si'nc 'ixim, sec 'oj yac' Jehová qui Diosalec syaxil 'a yib'n̈ smasnil tas tze b'o'o.

Salmos 72:13

'Oj 'o'ch sc'ojl 'a eb' 'emmquil yeq'ui, ax scoln 'el eb' meb'a 'a yol sc'ab' chamel.

Pr 22:9

A mach 'ela 'a yit 'anma'il, 'oj scha wach'il, yujto tzpojc' tas tzc'ux 'a scal eb' meb'a'.

Ec 11:2

Tzyal 'el'chi, to a tas 'ay 'ayn̈ec, tzqui pojc 'ec' 'a scal eb' 'ay tas 'ay sc'a'l tz'och yu'uj, yujto man̈ cojcoquec tas wan sjaw 'a quib'n̈ec yet' qui chon̈ab'.

Salmos 41:2

A 'oj tan̈wnoc eb', 'oj yac' sq'uinl eb', ax ya'n pax stzaljc'ojlal eb' 'a sat lum lum tic. Caw wach' yic eb', ma'oj 'ajxoc eb' 'a yol sc'ab' eb' 'ajc'ojl yajch 'a eb'.