Pr 18:9 - Chuj San Sebastian Bible

⁹ A eb' 'isaj yet' eb' ton̈j tzjun 'el junc tas, 'icha to yu'tac sb'a eb'.

Chuj San Mateo Bible

⁹ A eb' jaragana yed' eb' sjuanel junoc tasi, ichato yuc'tac sb'a eb'.

Pr 18:9 Referans Kwoze

Pr 10:4

A eb' matz nib'j munljoc sb'a, 'oj 'och eb' meb'a'il, ax eb' tzmunlj si'mb'il, 'oj 'och eb' ricoal.

A Ch'an̈ Carta D'a Eb' Hebreo 6:12

Tzqui nib'j on̈, man̈ 'isjoc tzeyutj e b'a 'a yic Dios. B'eylb'ejc sb'eyb'al eb' caw tzya'ch sc'ojl 'a 'a, eb' caw te'n tzyutj sb'a. A eb' 'ixta tzyutj sb'a cha, wan yica'an eb' jun tzo'n̈ tas 'aj ya'jnac Dios sti yu'uj.

Ro 12:11

Caw c'asn tzcutjec qui b'a 'a Cajlil. Man̈ 'isjoc tzcutjec qui b'a 'a 'a. Yet' smasnil qui c'ojol, tzca'nec servil Cajlil.

Mt 25:26

Palta xyaln win spatron̈ win chi 'ixtic: Ach tic cob' moso ach, palta may a ch'olnil, caw 'isj ach. 'In ojc xoni, toxn̈ej tzin jach'a, palta may tas tzwawej, toxn̈ej tzin chaj wico'oc tas tzyac' ganar junc xo 'anma'.

Pr 28:24

A mach tz'och 'elc'l 'a smam snun, man̈ mulc jun chi snani; a jun cha, lajn snab'en 'icha eb' cojn 'elc'l tzb'o'o.

Job 30:29

Caw wal cusltac xoj yel waw 'icha no 'ocs 'a 'ac'wal, mto 'icha no chulpop.

Pr 18:8

A spaxti eb' alm peclal, lajn wal 'icha junc tas caw wach' sc'uxxi, tzc'och schil 'a spixn eb'.

Pr 19:15

A 'isjal a tz'i'n cot wayan̈, a mach 'isaj, 'oj yab' syal yuj wejel.