Pr 18:5 - Chuj San Sebastian Bible

⁵ Man̈ wach'oc toto a eb' 'ay smul, a eb' tz'ajx niwnc'ojlal yuj eb' juez, ax eb' may smul, matz chax 'ab'xc tas tzyal eb'.

Chuj San Mateo Bible

⁵ Tato ayic eb' tz'och smul syic' eb' vin̈ yajal, axo tas syal eb' malaj smul, max schalaj yab' eb' vin̈, yelxo val man̈ vach'oc.

Pr 18:5 Referans Kwoze

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Pr 28:21

Man̈ wach'oc toto chucchc yilx 'anma 'a sat junc yajal, palta 'ay 'ajtil tzmontchj junc yajl chi yuj jac tas tz'ajx 'a 'a.

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Salmos 82:2

Xyaln 'ixtc 'a eb': ¿B'a'n̈ to wal tzeyactj e coln eb' 'anma maysch'olnil tas tzb'o'o? 'In ata tzeya'ch e b'a yet' eb' maysch'olnil cha.

Pr 24:23

An̈jtona pax jun tzo'n̈ xo tic, a eb' 'ay snab'en 'ix aln cani: Caw man̈ wach'oc toto chucchc yilx eb' 'anma 'a sat win yajal yic tzb'onyaj win eb'.

Pr 17:15

Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.

Mt 22:16

Yuj cha, xchecn 'at ewin jaywn̈ eb' scuywum 'a Jesús, yet' jaywn̈ eb' 'aych 'a spartido rey Herodes, 'ix 'at yalnc eb' 'ixtc 'a 'a: —Ach qui Cuymal on̈, cojc wal si'mb'il on̈ to caw yeln̈j tas tzala. Cojc pax on̈, to a jun b'eyb'al tznib'j Dios, caw an̈j tzac' cuyxoc 'a yel. Jun lajnn̈ej tzotj pax a nab'en 'a smasnil 'anma', yujto lajnn̈ej ye'l'ch junjn eb' 'a a sat.

Is 5:23

A eb' yajal, yuj tumin tzyaln eb' to a junc tz'och smul, may smul yaln eb', ax junc may smul cha, matz b'o yaj eb' 'a stojlal.

Job 34:19

A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Is 59:14

A b'eyc'ojlal yet' tas wach', man̈x 'a xon yel'ch 'a qui sat on̈. A tojlal cha, caw najt yajcn cuj on̈. A tas yel, toc 'ayt mach tzchan 'ab'noc 'a plas. A tojlal cha, 'icha to man̈x checloc 'aj 'ay.

Ex 23:2

Man̈ eya'ch e b'a yet' eb' tzb'on maysch'olnil. A yic 'ay junc tas tz'ajx eyala', tojln̈ej tzeyutj eyalni, man̈ eya'ch e b'a 'a tas tzyal smasnil eb' tu cha.

Ex 23:6

A junc meb'a 'anma tznib'j to tze b'oyaji, toto tojl tas tzyala, man̈ e tenc' tas tzc'an cha.

Pr 17:26

Man̈ wach'oc toto tzc'anx multa 'a junc may smul. Caw yel xo tu', toto tzquijec 'el junc mach 'a yopiso, yujto tojl tas tzb'o'o.

Pr 31:5

axta laj x'aji, tz'at satc'ojlal ley eyu'uj. Toq'ue yuj cha, ax eyixtn eb' 'anma 'emmquilal yeq'ui.

Miqueas 3:9

'Ab'c jun tzo'n̈ tic ex syajlil chon̈b' Israel, ex to man̈ tojloc tzeyutj e b'onyaj eb' 'anma'.

Ex 23:3

Toxn̈ej to meb'a junc 'anma' wan sb'onyaj eb' yajal, man̈ eya'ch e b'a e colni.