Pr 15:6 - Chuj San Sebastian Bible

⁶ Til wal tas 'ay 'a yatut eb' wach' snab'en; ax eb' maysch'olnil sb'eyb'al, cojn somc'ojlal tzyij cot eb' 'a yib'n̈ yuj tas tzyac' ganar.

Chuj San Mateo Bible

⁶ Man̈ jantacoc tas ay d'a yol spat eb' anima vach' spensar. Axo eb' chuc jun, max yac'laj sgana eb' yed' tas syac' ganar.

Pr 15:6 Referans Kwoze

Pr 8:21

A eb' tzalj yet' jelnal, caw rico eb' yu'uj; caw 'oj b'ut'joc yol yatut eb' yuj tas 'ay 'a 'a.

Pr 21:20

A 'a yatut mach jeln snab'en, 'ay stumin, 'ay tas tzc'uxu; palta ax junc may snab'en, c'uxn tzlaj 'ejm jac tas tz'ilchj yu'uj.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

Salmos 112:3

Til wal 'oj 'aj sricoal eb' 'a yatut, 'elan̈ej pax eb' 'a smasnil tiempo.

A Ch'an̈ Carta D'a Eb' Hebreo 11:26

'Ix snan paxi, to wach' tzyab' syal sb'uchx yuj Cristo, atn jun 'oj jawoc, palta caw wach' yico'. Jantcn̈ej jun tzo'n̈ ricoal yic Egipto cha, may yel'ch 'a sat, yujto ya'jnac 'at snab'en 'a jun spac 'oj yac' Dios 'a 'a.

Pr 16:8

Yel xo wach' toto tzon̈ munljec 'a stojlal, wach'xam jab' wal tas tzca'c ganar 'a qui munljelec, 'a yib'n̈ to niwn tzcac' ganar 'a spatc munljel man̈ tojloc.

Ec 4:6

Palta an xo tic tzwal pax 'ixtic: Yel xo wach' jab' wal tas 'ay 'ayn̈ec toto tzaljc'ojlal cajec, 'a yib'n̈ to cob' niwn tas 'ay 'ayn̈ec, palta yel xo tzquixtjec qui b'a qui sayni, xin chi.

Pr 15:16

A junc meb'a to 'ay yel'ch Jehová 'a sat, yel xo wach' yic 'a yib'n̈ junc rico to somc'ojlaln̈ej yaji.

Pr 13:22

Toto wach' qui nab'enec, 'ay tas wach' tzca'c can smacloc eb' quichicnec; ax sricoal eb' maysch'olnil, tzcancn 'a eb' wach' snab'en.

Salmos 37:16

Yel xo wach' jab' wal tas 'ay 'a eb' 'anma wach' snab'en, 'a yib'n̈ sricoal eb' maysch'olnil sb'eyb'al.

Pr 15:5

A eb' may snab'en, caw matz chaj eb' yab' tennb'il tzyac' smam 'a 'a, ax eb' tzchaj yab'i', wan sch'oxn 'el eb', chajtlto 'ay snab'en eb'.

Pr 15:7

A eb' jelan, tzyal-l eb' jelnal cha; ax eb' may snab'en, caw may yel'ch tas tzyal eb'.

Pr 3:33

Tzya' cot Jehová catb' 'a yib'n̈ eb' maysch'olnil, palta ax eb' wach' sb'eyb'al, a yaxilal tzya' cot 'a yib'n̈ eb'.